កិច្ចប្រជុំពិភាក្សាពិគ្រោះយោបល់ថ្នាក់ជាតិសម្រាប់ការអភិវឌ្ឍ ASEAN Connectivity Strategic Plan (ACSP) និងពិនិត្យមើលលើការអនុវត្ត Master Plan on ASEAN Connectivity (MPAC) 2025 ជាមួយក្រុមការងារពិគ្រោះយោបល់ Ernst & Young (EY) ទីស្តីការក្រសួង៖ នាព្រឹកថ្ងៃចន្ទ ទី២៦ ខែសីហា ឆ្នាំ២០២៤ ឯកឧត្តម ផែង សុវិជ្ជានោ រដ្ឋលេខាធិការ និងជាប្រធានប្តូរវេនស្ថាប័នដឹកនាំការអនុវត្តគោលដៅយុទ្ធសាស្ត្រសម្រាប់ហេដ្ឋារចនាសម្ព័ន្ធប្រកបដោយចីរភាព (LIB-SI) បានអញ្ជើញដឹកនាំកិច្ចប្រជុំពិភាក្សាពិគ្រោះយោបល់ថ្នាក់ជាតិសម្រាប់ការអភិវឌ្ឍ ASEAN Connectivity Strategic Plan (ACSP) និងពិនិត្យមើលលើការអនុវត្ត Master Plan on ASEAN Connectivity (MPAC) 2025 ជាមួយក្រុមការងារ Ernst & Young (EY) ដែលត្រូវបានចាត់តាំងដោយ ASEC។ កិច្ចប្រជុំនេះ មានការអញ្ជើញចូលរួមពី ឯកឧត្តម ឈៀង ពេជ្រ អគ្គនាយកភស្តុភារកម្ម និងជាប្រធានប្តូរវេនដឹកនាំការអនុវត្តគោលដៅយុទ្ធសាស្រ្តសម្រាប់ភស្តុភារកម្មដោយរលូន (Seamless Logistics) និងឯកឧត្តមជាថ្នាក់ដឹកនាំ លោក-លោកស្រី តំណាងអគ្គនាយកដ្ឋាន ប្រធាននាយកដ្ឋានពាក់ព័ន្ធក្រោមឱវាទក្រសួង ព្រមទាំងក្រុមការងារពិគ្រោះយោបល់ Ernst & Young (EY)។ កិច្ចប្រជុំពិភាក្សាពិគ្រោះយោបល់នេះ រៀបចំឡើងក្នុងគោលបំណង៖ (១) ដើម្បីពិនិត្យឡើងវិញនូវសមិទ្ធផលការអនុវត្ត និងបញ្ហាប្រឈមនៃផែនការមេ និងជំហានបន្ទាប់ស្តីពីការតភ្ជាប់អាស៊ាន (MPAC) 2025 និងផ្ដល់ធាតុចូលដើម្បីលើកទិសដៅយុទ្ធសាស្ត្រសម្រាប់ផែនការយុទ្ធសាស្រ្តតភ្ជាប់អាស៊ាន (ACSP) 2026-2035។ ជាលទ្ធផលនៃកិច្ចពិភាក្សាពិគ្រោះយោបល់នេះ អង្គប្រជុំបានពិនិត្យ និងឯកភាព លើបញ្ហាប្រឈមនៃការអនុវត្ត MPAC 2025 ការកែសម្រួលនូវចំណុចមួយចំនួនដែលត្រូវបញ្ជាក់ក្នុងរបាយការណ៍លើការពិនិត្យចុងក្រោយនៃការអនុវត្ត MPAC 2025 ដែលនឹងបញ្ចប់នៅពេលដ៏ខ្លីខាងមុខនេះ ព្រមទាំងទទួលបានធាតុចូលជាច្រើនដើម្បីធានាថា ACSP នឹងដំណោះស្រាយ ប្រកបដោយប្រសិទ្ធភាព នូវនិន្នាការដែលកំពុងរីកចម្រើន ស្របតាមគោលដៅរយៈពេលវែងរបស់អាស៊ាន។ សូមជម្រាបជូនថា ការរៀបចំ ASEAN CONNECTIVITY STRATEGIC PLAN (ACSP 2045) ថ្មីនេះ បានផ្ដោតលើតំបន់យុទ្ធសាស្ត្រសំខាន់ៗចំនួន៦ រួមមាន៖ (១) Sustainable Infrastructure, (២) Smart and Sustainable Urban Development, (៣) Digital Innovation, (៤) Seamless Logistics and Supply Chain, (៥) Regulatory Excellence and Cooperation, និង (៦) People-to-People Connectivity៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube