ឯកឧត្តម ឈួន វិន អនុប្រធានក្រុមការងារគណបក្សចុះមូលដ្ឋានស្រុកកោះធំ តំណាងឯកឧត្តម ប៉េង ពោធិ៍នា ប្រធានក្រុមការងារគណបក្សចុះមូលដ្ឋានស្រុកស្អាង-កោះធំ ដឹកនាំកិច្ចប្រជុំផ្សព្វផ្សាយពីសារបាន និងអត្ថប្រយោជន៍នៃកិច្ចសហប្រតិបត្តិការតំបន់ត្រីកោណអភិវឌ្ឍន៍ CLV-DTA និងលើកគោលការណ៍ចុះផ្សព្វផ្សាយតាមមូលដ្ឋាន និងបន្តដឹកនាំប្រតិភូ ចូលរួមបុណ្យគំរប់ខួប ៧ថ្ងៃ ឧទ្ទិសកុសលជូនដួងវិញ្ញាណក្ខន្ធសពលោកស្រី ផៃ ចន្ទណាវី សមាជិកក្រុមប្រឹក្សាស្រុក ស្រុកកោះធំ៖ នៅថ្ងៃទី១៦ ខែសីហា ឆ្នាំ២០២៤ ឯកឧត្តម ឈួន វិន អនុប្រធានក្រុមការងារគណបក្សចុះមូលដ្ឋានស្រុកកោះធំ តំណាងឯកឧត្តម ប៉េង ពោធិ៍នា ប្រធានក្រុមការងារគណបក្សចុះមូលដ្ឋានស្រុកស្អាង-កោះធំ បានអញ្ជើញ ដឹកនាំកិច្ចប្រជុំផ្សព្វផ្សាយស្តីពីសារបាន និងអត្ថប្រយោជន៍នៃកិច្ចសហប្រតិបត្តិការតំបន់ត្រីកោណអភិវឌ្ឍន៍ CLV-DTA និងលើកគោលការណ៍ចុះផ្សព្វផ្សាយឱ្យបានទូលំទូលាយដល់មន្ត្រី និងប្រជាពលរដ្ឋ ព្រះសង្ឍ សិស្សានុសិស្សគ្រប់ភូមិដ្ឋានសិក្សាតាមបណ្តាឃុំក្នុងស្រុកដោយត្រូវសហការជាមួយក្រុមការងារគណបក្សចុះមូលដ្ឋានឃុំ។ កិច្ចប្រជុំនេះធ្វើឡើងនៅស្នាក់ការគណបក្សស្រុកកោះធំ មានសមាសភាពចូលរួមពីក្រុមលេខាធិការដ្ឋាន ក្រុមការងារគណបក្សចុះមូលដ្ឋានស្រុក អនុប្រធានប្រចាំការគណបក្សស្រុក គណៈអចិន្ត្រៃយ៍គណបក្សស្រុកសរុប១៧ រូប។ ជាមួយគ្នានោះដែរបន្ទាប់ពីកិច្ចប្រជុំ ឯកឧត្តមបានបន្តដឹកនាំប្រតិភូចូលរួមបុណ្យគំរប់ខួប ៧ថ្ងៃ ឧទ្ទិសកុសលជូនដួងវិញ្ញាណក្ខន្ធសពលោកស្រី ផៃ ចន្ទណាវី សមាជិកក្រុមប្រឹក្សាស្រុក និងបាននាំយកបច្ច័យរបស់ ឯកឧត្តម ប៉េង ពោធិ៍នា ប្រធានក្រុមការងារគណបក្សចុះមូលដ្ឋានស្រុកស្អាង-កោះធំ ចំនួន ៤ ០០០ ០០០រៀល ជូនគ្រួសារសព ស្ថិតនៅក្នុងភូមិកំពង់ស្វាយក្រោម ឃុំព្រែកថ្មី ស្រុកកោះធំ ខេត្តកណ្តាល៕