កិច្ចប្រជុំគណៈកម្មាធិការដឹកនាំ (Steering Committee) លើកទី៥ នៃគម្រោងលើកកម្ពស់ការផ្គត់ផ្គង់ទឹកស្អាត និងអនាម័យ (WaSSIP) ក្រោមឥណទានសម្បទានរបស់ធនាគារពិភពលោក (WB) ទីស្ដីការក្រសួង៖ នាព្រឹកថ្ងៃព្រហស្បតិ៍ ទី១៥ ខែសីហា ឆ្នាំ២០២៤ ឯកឧត្តម រស់ វណ្ណា រដ្ឋលេខាធិការ ក្រសួងសាធារណការ និងដឹកជញ្ជូន និង ឯកឧត្តម ស៊ឹម ស៊ីថា រដ្ឋលេខាធិការក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានអញ្ជើញជាសហប្រធានដឹកនាំកិច្ចប្រជុំគណៈ កម្មាធិការដឹកនាំ (Steering Committee) លើកដំបូងនៃគម្រោងជំរុញការផ្គត់ផ្គង់ទឹកស្អាត និងអនាម័យ (WASAC) និងកិច្ចប្រជុំគណៈកម្មាធិការដឹកនាំ (Steering Committee) លើកទី៥ នៃគម្រោងលើកកម្ពស់ការផ្គត់ផ្គង់ទឹកស្អាត និងអនាម័យ (WaSSIP) ក្រោមឥណទានសម្បទានរបស់ធនាគារពិភពលោក ដោយមានការអញ្ជើញចូលរួមពីឯកឧត្តមអនុរដ្ឋលេខាធិការ ថ្នាក់ដឹកនាំ និងមន្ត្រីជំនាញនៃអគ្គនាយកដ្ឋានប្រព័ន្ធចម្រោះទឹកកខ្វក់ និងសមាជិកគណៈកម្មាធិការដឹកនាំ ដែលអញ្ជើញមកពីបណ្តា ក្រសួង-ស្ថាប័ន និងមន្ទីរពាក់ព័ន្ធទាំងអស់។ កិច្ចប្រជុំនេះរៀបចំឡើងក្នុងគោលបំណង ដើម្បីរាយការណ៍ពីវឌ្ឍនភាពការងារ បញ្ហាប្រឈមរបស់អង្គភាពគ្រប់គ្រងគម្រោង (PMU-1), (PMU-2) ដើម្បីធ្វើបច្ចុប្បន្នភាពគោលនយោបាយជាតិស្តីពីការផ្គត់ផ្គង់ទឹកស្អាត និងអនាម័យ និងពិភាក្សាពីកម្រិតគោលនយោបាយនៃការអនុវត្តគម្រោងប្រកាសសុពលភាពសមាសភាពក្នុងសេចក្តីសម្រេច ស្តីពីការកែសម្រួលគណៈកម្មាធិការដឹកនាំ (Steering Committee) នៃគម្រោងលើកកម្ពស់ការផ្គត់ផ្គង់ទឹកស្អាត និងអនាម័យ (WaSSIP) ក្នុងការសិក្សាកំណត់តម្លៃសេវាទឹកកខ្វក់ និងដំណើរការរៀបចំបញ្ចូលតម្លៃសេវាទឹកកខ្វក់ ទៅក្នុងវិក្កយបត្រទឹកស្អាត៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube