កិច្ចប្រជុំលើកទី២ ស្តីពីការងាររៀបចំគំនូរប្លង់បច្ចេកទេសប្រព័ន្ធទឹកកខ្វក់ និងលូរំដោះទឹកភ្លៀង (Standard Drawing of Sewerage Work) ទីស្ដីការក្រសួង៖ នាថ្ងៃពុធ ទី១៧ ខែកក្កដា ឆ្នាំ២០២៤ ឯកឧត្តម យិត បុណ្ណា រដ្ឋលេខាធិការ ក្រសួងសាធារណការ និងដឹកជញ្ជូន បានអញ្ជើញដឹកនាំកិច្ចប្រជុំលើកទី២ ស្តីពីការងាររៀបចំគំនូរប្លង់បច្ចេកទេសប្រព័ន្ធទឹកកខ្វក់ និងលូរំដោះទឹកភ្លៀង ដោយមានការចូលរួមពីថ្នាក់ដឹកនាំក្រសួង និងមន្ត្រីបច្ចេកទេសពាក់ព័ន្ធនៃអគ្គនាយកដ្ឋានបច្ចេកទេស និងអគ្គនាយកដ្ឋានប្រព័ន្ធចម្រោះទឹកកខ្វក់ ផងដែរ។ កិច្ចប្រជុំនេះធ្វើឡើងក្នុងគោលបំណងចំនួន២ ធំៗ គឺ ទី១. ពិភាក្សាលើសេចក្តីព្រាងមាតិកា និងទី២. តាមដានវឌ្ឍនភាពការងាររៀបចំគំនូរប្លង់បច្ចេកទេសប្រព័ន្ធទឹកកខ្វក់ និងលូរំដោះទឹកភ្លៀងសម្រាប់ក្រសួងសាធារណការ និងដឹកជញ្ជូន។ អង្គប្រជុំបានពិនិត្យយ៉ាងយកចិត្តទុកដាក់ទៅលើបទបង្ហាញនៃគំនូរប្លង់បច្ចេកទេស និងបានប្រមូលធាតុចូលបន្ថែម និងអនុសាសន៍ស្ថាបនាសេចក្តីព្រាងមាតិកា ក្នុងន័យជំរុញឱ្យការរៀបចំនេះទទួលបាននូវលទ្ធផល ប្រសិទ្ធផល ឆ្លើយតបនឹងស្ថានភាព និងតម្រូវការជាក់ស្តែង ព្រមទាំងបានកំណត់ពេលវេលាបញ្ចប់ការងាររៀបចំផែនការ និងត្រៀមសម្រាប់កិច្ចប្រជុំលើកក្រោយទៀត៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube