ភ្នំពេញ៖ ក្រសួងសាធារណការ និងដឹកជញ្ជូន នៅព្រឹកថ្ងៃទី២៧ ខែមិថុនា ឆ្នាំ២០២៤នេះ បានឱ្យដឹងថា តើបណ្ណបើកបរដែលហួសសុពលភាពបន្តបានដែរឬទេ? តម្រូវឯកសារអ្វីខ្លះ តម្លៃសេវាប៉ុន្មាន? ក្រសួងសាធារណការ បានឱ្យដឹងទៀតថា ឈ្វេងយល់ពីបណ្ណបើកបរដែលហួសសុពលភាព អាចស្នើសុំបន្តឡើងវិញបាន ដោយតម្រូវភ្ជាប់នូវឯកសារដូចជា ៖ – បណ្ណបើកបរដែលត្រូវបន្តសុពលភាព (ច្បាប់ដើម) – អត្តសញ្ញាណប័ណ្ណសញ្ជាតិខ្មែរ (ច្បាប់ចម្លងដែលមានបញ្ជាក់ពីអាជ្ញាធរមានសមត្ថកិច្ច) – លិខិតបញ្ជាក់កាយសម្បទា (មាននៅទីតាំងផ្តល់សេវា) – រូបថតខ្នាត ៤x៦ ផ្ទៃពណ៌សចំនួន ៣សន្លឹក * តម្លៃសេវា ៖ – ប្រភេទ “ក” = ២០ ០០០ រៀល – ប្រភេទ “ខ” “គ” “ឃ” “ង” = ៣០ ០០០ រៀល * ករណីបណ្ណបើកបរហួសសុពលភាពចាប់ពី ៣០ថ្ងៃឡើងទៅ នឹងមានការពិន័យ ៥០០៛/ថ្ងៃ ។ ចំណែកព័ត៌មានលម្អិត (HOTLINE)៖ 1275៕