សិក្ខាសាលាផ្សព្វផ្សាយ និងការបណ្តុះបណ្តាល ស្តីពីបែបបទ និងនីតិវិធីនៃការគ្រប់គ្រង និងការផ្តល់សេវារដ្ឋបាលក្នុងវិស័យដឹកជញ្ជូនផ្លូវគោក និងផ្លូវទឹកដល់មន្រ្តីអនុវត្តមុខងារនៅអង្គភាពច្រកចេញចូលតែមួយរាជធានី ខេត្ត និងការិយាល័យច្រកចេញចូលតែមួយនៃរដ្ឋបាលក្រុង ស្រុក ខណ្ឌ ខេត្តត្បូងឃ្មុំ៖ នាថ្ងៃទី៥-៦ ខែមិថុនា ឆ្នាំ២០២៤ លេខាធិការដ្ឋាននៃគណៈកម្មការដឹកនាំកំណែទម្រង់វិមជ្ឈការ និងវិសហមជ្ឈការ ក្រសួងសាធារណការ និងដឹកជញ្ជូន បានរៀបចំសិក្ខាសាលាផ្សព្វផ្សាយ និងការបណ្តុះបណ្តាលស្តីពីបែបបទ និងនីតិវិធីនៃការគ្រប់គ្រង និងការផ្តល់សេវារដ្ឋបាលក្នុងវិស័យដឹកជញ្ជូនផ្លូវគោក និងផ្លូវទឹកដល់មន្រ្តីអនុវត្តមុខងារនៅអង្គភាពច្រកចេញចូលតែមួយរាជធានី ខេត្ត និងការិយាល័យច្រកចេញចូលតែមួយនៃរដ្ឋបាលក្រុង ស្រុក ខណ្ឌ ដែលមានរយៈពេល២ថ្ងៃ នៅសាលប្រជុំធំ រដ្ឋបាលខេត្តត្បូងឃ្មុំ ។ ពិធីបើកសិក្ខាសាលា ត្រូវបានរៀបចំ ក្រោមអធិបតីភាពឯកឧត្តមឯកឧត្តម សួន រចនា រដ្ឋលេខាធិការ និងជាអនុប្រធានប្រចាំការនៃគណៈកម្មការដឹកនាំកំណែទម្រង់វិមជ្ឈការនិងវិសហមជ្ឈការ និងពិធីបិទក្រោម អធិបតីភាពឯកឧត្តម មាស ម៉ូនីកា អនុរដ្ឋលេខាធិការ និងជាអនុប្រធានគណៈកម្មការដឹកនាំកំណែទម្រង់វិមជ្ឈការនិងវិសហមជ្ឈការ តំណាងដ៏ខ្ពង់ខ្ពស់ឯកឧត្តម ប៉េង ពោធិ៍នា រដ្ឋមន្រ្តី និងជាប្រធានគណៈកម្មការដឹកនាំកំណែទម្រង់វិមជ្ឈការ និងវិសហមជ្ឈការក្រសួងសាធារណការ និងដឹកជញ្ជូន។ សមាសភាពអញ្ជើញចូលរួមមានឯកកឧត្តម អភិបាលរងខេត្ត នាយក នាយករងរដ្ឋបាលខេត្ត នាយកទីចាត់ការហិរញ្ញវត្ថុ ប្រធាន-អនុប្រធានអង្គភាពច្រកចេញចូលតែមួយខេត្ត ប្រធាន-អនុប្រធានការិយាល័យច្រកចេញចូលតែមួយនៃរដ្ឋបាលក្រុង ស្រុក និងមន្ត្រីពាក់ព័ន្ធនៃខេត្តទាំង ៨ រួមមាន ខេត្តត្បូងឃ្មុំ កំពង់ចាម ក្រចេះ ព្រះវិហារ ព្រៃវែង រតនៈគិរី មណ្ឌលគិរី និងស្ទឹងត្រែង។ សិក្ខាសាលាផ្សព្វផ្សាយ និងការបណ្តុះបណ្តាលនេះ គឺជាការរៀបចំវគ្គទី១ នៃឆ្នាំ២០២៤ ដោយមានការធ្វើបទបង្ហាញពីក្រុមការងារបច្ចេកទសមានតំណងពីអគ្គនាយកដ្ឋានដឹកជញ្ជូនផ្លូវគោក អគ្គនាយកដ្ឋានដឹកជញ្ជូនផ្លូវទឹក ផ្លូវសមុទ្រ និងកំពង់ផែ អគ្គនាយកដ្ឋានបច្ចេកទេស អគ្គនាយកដ្ឋានប្រព័ន្ធចម្រោះទឹកកខ្វក់ នៃក្រសួងសាធារណការ និងដឹកជញ្ជូន លើប្រធានបទមួយចំនួនមានដូចខាងក្រោម៖ ១. បទបង្ហាញផ្សព្វផ្សាយច្បាប់ស្តីពីការដឹកជញ្ជូនតាមផ្លូវទឹក និងនីតិវិធីនៃការត្រួតពិនិត្យបច្ចេកទេស និងចុះបញ្ជីនាវា ៣. បទបង្ហាញវិធីសាស្ត្រសាងសង់ ជួសជុលផ្លូវ ស្ពាន និងការងារគ្រប់គ្រងចំណីផ្លូវ ៤. បទបង្ហាញការផ្តល់លិខិតអនុញ្ញាតឱ្យបើកស្នាក់ការសាខាក្រុមហ៊ុនដឹកជញ្ជូន និងការផ្តល់លិខិតអនុញ្ញាតឱ្យយានយន្តធ្វើអាជីវកម្មដឹកជញ្ជូនក្នុងរាជធានី ខេត្ត ៥. បទបង្ហាញការចុះបញ្ជីរថយន្ត រ៉ឺម៉ក សឺមីរ៉ឺម៉ករថយន្តដែលមានទម្ងន់សរុបមិនលើសពី៥តោន និងការចុះបញ្ជី និងផ្តល់លិខិតអនុញ្ញាតធ្វើអាជីវកម្មយានដ្ឋានជួសជុល កែច្នៃដំឡើងរថយន្ត រ៉ឺម៉ក សឺមីរ៉ឺម៉កដែលមានទំហំអតិបរមាត្រឹម២៥០ម៉ែត្រការ៉េ ៧. បទបង្ហាញការផ្តល់បណ្ណបើកបរយានយន្តប្រភេទ “ក” និង “ខ”សម្រាប់ប្រជាពលរដ្ឋខ្មែរ និងការផ្តល់លិខិតអនុញ្ញាតធ្វើអាជីវកម្មសាខាបង្រៀនបើកបរយានយន្ត ៩. បទបង្ហាញការងារប្រតិបត្តិការ និងថែទាំប្រព័ន្ធប្រព្រឹត្តកម្មទឹកកខ្វក់។ ១o.បទបង្ហាញនិងផ្សព្វផ្សាយ ពីសុវត្ថិភាពនៃការប្រើប្រាស់ផ្លូវល្បឿនលឿន។