មន្ទីរសាធារណការ និងដឹកជញ្ជូនខេត្តស្វាយរៀង សូមជម្រាបជូនសាធារណជន និងបងប្អូនប្រជាពលរដ្ឋដែលកំពុងរស់នៅ និងធ្វើចរាចរណ៍តាមដងផ្លូវខេត្តលេខ ៣១៤បេ ជ្រាបថា៖ ការងារជួសជុលផ្លូវខេត្តលេខ ៣១៤បេ ដោយក្រាលកៅស៊ូបាចថ្មពីរជាន់ DBST ប្រវែង ២.១៧៥ម ទទឹង ៨ម ចិញ្ចើមក្រាលដីល្បាយថ្មទទឹង១ម សង្ខាង ចាប់ពីគ.ម០៦+៩០០ ដល់គ.ម០៩+០៧៥ ស្ថិតនៅក្នុងឃុំចំបក់ ស្រុកស្វាយជ្រំ ខេត្តស្វាយរៀង ស្ថិតក្នុងគម្រោងការងារជួសជុលរបស់មន្ទីរសាធារណការ និងដឹកជញ្ជូនខេត្តស្វាយរៀង សម្រាប់ឆ្នាំ២០២៤ ។ បច្ចុប្បន្នមន្ទីរកំពុងធ្វើការជួសជុលដោយចាក់បំពេញដីស តួផ្លូវ លទ្ធផលការងារទទួលបានចំនួន ១៧.១៣% ម្យ៉ាងទៀត រដូវនេះ ជារដូវវស្សាមានភ្លៀងធ្លាក់ស្ទើរៀងរាល់ថ្ងៃ ដែលបណ្តាលផ្លូវមានសភាពរអិល ធ្វើឱ្យបងប្អូនប្រជាពលរដ្ឋ និងបងប្អូនកម្មករ កម្មការិនីរោងចក្រ ពិបាកក្នុងការធ្វើដំណើរទៅមក ។