កិច្ចប្រជុំរបស់គណៈកម្មការដឹកនាំកំណែទម្រង់វិមជ្ឈការ និងវិសហមជ្ឈការនៃក្រសួងសាធារណការ និងដឹកជញ្ជូន ទីស្ដីការក្រសួង៖ នាព្រឹកថ្ងៃព្រហស្បតិ៍ ទី២៣ ខែឧសភា ឆ្នាំ២០២៤ ឯកឧត្តម សួន រចនា រដ្ឋលេខាធិការក្រសួងសាធារណការ និងដឹកជញ្ជូន និងជាអនុប្រធានប្រចាំការនៃគណៈកម្មការដឹកនាំកំណែទម្រង់វិមជ្ឈការ និងសហវិមជ្ឈការក្រសួងសាធារណការ និងដឹកជញ្ជូន បានអញ្ជើញដឹកនាំកិច្ចប្រជុំគណៈកម្មការដឹកនាំកំណែទម្រង់វិមជ្ឈការ និងវិសហមជ្ឈការនៃក្រសួងសាធារណការ និងដឹកជញ្ជូន ដោយមានការអញ្ជើញចូលរួមពីថ្នាក់ដឹកនាំក្រសួង សមាជិក សមាជិកា និងមន្ត្រីជំនាញពាក់ព័ន្ធ។ កិច្ចប្រជុំនេះរៀបចំឡើងក្នុងគោលបំណងដើម្បីបង្ហាញអំពីវឌ្ឍនភាពការងារកន្លងមករបស់គណៈកម្មការដឹកនាំកំណែទម្រង់កំណែទម្រង់វិមជ្ឈការ និងវិសហមជ្ឈការនៃក្រសួងសាធារណការ និងដឹកជញ្ជូន និងពិភាក្សាពីការរៀបសេចក្ដីព្រាងគំរូប្រកាស ស្ដីពីការធ្វើប្រតិភូកម្មសិទ្ធិអំណាចទៅឱ្យមន្ទីររាជធានី ខេត្ត ក្នុងការពិនិត្យ ផ្ដល់យោបល់ និងសម្រេចលើការចុះបញ្ជីគម្រោងវិនិយោគក្រោម៥ លានដុល្លារជូនរដ្ឋបាលថ្នាក់ក្រោមជាតិ និងការត្រៀមរៀបចំបើកវគ្គសិក្ខាសាលា ផ្សព្វផ្សាយ បទដ្ឋានគតិយុត្ត ថ្មីៗ ដែលទើបទទួលបានការអនុម័ត ពាក់ព័ន្ធការអនុវត្តមុខងារនៅរដ្ឋបាលថ្នាក់ក្រោមជាតិ។ សូមបញ្ជាក់ជូនផងដែរថា៖ គោលការណ៍សំខាន់នៃការធ្វើកំណែទម្រង់វិមជ្ឈការ និង វិសហមជ្ឈការ ឬកំណែទម្រង់តាមបែបប្រជាធិតេយ្យនៅថ្នាក់ក្រោមជាតិ គឺដើម្បីជំរុញអភិបាលកិច្ចតាមរយៈការបង្ខិតសេវារដ្ឋបាលទៅជិតប្រជាពលរដ្ឋ សំដៅលើកកម្ពស់គុណភាពសេវាសាធារណៈតាមរយៈការពង្រឹងយន្តការបច្ចេកវិទ្យា ដើម្បីឆ្លើយតបទៅនឹងតម្រូវការជាក់ស្តែងរបស់ប្រជាពលរដ្ឋក្នុងមូលដ្ឋាន៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube