យុទ្ធនាការផ្សព្វផ្សាយលើកកម្ពស់ការប្រើប្រាស់ម៉ូតូអគ្គិសនី ដើម្បីនិរន្តរភាពវិស័យដឹកជញ្ជូន សៀមរាប ៖ នៅថ្ងៃទី២២ ខែមីនា ឆ្នាំ២០២៤ លោក ប្រុក ណូវីដា ប្រធាននាយកដ្ឋានផែនការ នៃអគ្គនាយកដ្ឋានផែនការ និងគោលនយោបាយ ក្រសួងសាធារណការ និងដឹកជញ្ជូន បានអញ្ជើញជាអធិបតីក្នុងពិធី យុទ្ធនាការផ្សព្វផ្សាយលើកកម្ពស់ការប្រើប្រាស់ម៉ូតូអគ្គិសនី ដើម្បីនិរន្តរភាពវិស័យដឹកជញ្ជូន ដែលពិធីនេះមានការចូលរួមពីតំណាងមន្ទីរសាធារណការ និងដឹកជញ្ជូនខេត្ត តំណាងក្រសួងបរិស្ថាន តំណាងក្រុមហ៊ុន VERYWORDS តំណាងមកក្រុមហ៊ុន ONION និងតំណាងមកពីក្រុមហ៊ុន VOLTRA ព្រមទាំងមន្ត្រីរាជការ ក្រុមការងារមកពីអង្គភាពពាក់ព័ន្ធផងដែរ។ យុទ្ធនាការនេះធ្វើឡើងក្នុងគោលបំណងចែករំលែកចំណេះដឹងអំពីបច្ចេកវិទ្យា ក៏ដូចជាការផ្តល់នូវអត្ថប្រយោជន៍នៃម៉ូតូអគ្គិសនី ដល់អ្នកប្រើប្រាស់ និងសាធារណជនឱ្យទទួលបានព័ត៌មានទូលំទូលាយ ព្រមទាំងជួយជំរុញការប្រើប្រាស់យានយន្តអគ្គិសនី ក្នុងវិស័យដឹកជញ្ជូន នៅកម្ពុជា ប្រកបដោយនិរន្តរភាព៕