កិច្ចប្រជុំប្រតិភូកម្មសិទ្ធិអំណាចដាក់ចេញបទប្បញ្ញត្តិស្តីពីការអនុវត្តជាក់ស្តែង និងធ្វើការបណ្តុះបណ្តាលមុខជំនាញជូនមន្ទីរ អង្គភាពខ្សែបណ្តោយនៅថ្នាក់រាជធានី-ខេត្ត ដើម្បីអនុវត្តច្បាប់ស្តីពីវិនិយោគនៃព្រះរាជាណាចក្រកម្ពុជា ទីស្តីការក្រសួង៖ នាថ្ងៃព្រហស្បតិ៍ ទី៧ ខែមីនា ឆ្នាំ២០២៤ ឯកឧត្តម សួន រចនា រដ្ឋលេខាធិការ និងជាអនុប្រធានប្រចាំការ គណៈកម្មការដឹកនាំកំណែទម្រង់វិមជ្ឈការ និងវិសហមជ្ឈការ និងឯកឧត្តម នូ សុវត្ថិ ជាសហប្រធាន បានអញ្ជើញដឹកនាំកិច្ចប្រជុំប្រតិភូកម្មសិទ្ធិអំណាចដាក់ចេញបទប្បញ្ញត្តិស្តីពីការអនុវត្តជាក់ស្តែង និងធ្វើការបណ្តុះបណ្តាលមុខជំនាញជូនមន្ទីរ អង្គភាពខ្សែបណ្តោយនៅថ្នាក់រាជធានី-ខេត្ត ដើម្បីអនុវត្តច្បាប់ស្តីពីវិនិយោគនៃព្រះរាជាណាចក្រកម្ពុជា ដោយមានការចូលរួមពីថ្នាក់ដឹកនាំក្រសួង អង្គភាពជំនាញពាក់ព័ន្ធក្រោមឱវាទក្រសួង និងភាគីពាក់ព័ន្ធផងដែរ។ កិច្ចប្រជុំនេះធ្វើឡើងក្នុងគោលបំណងរៀបចំសេចក្តីណែនាំ ស្តីពីការអនុវត្តភារកិច្ចពិនិត្យសម្រេចចុះបញ្ជីគម្រោងវិនិយោគឯកជន ដែលមានទុនវិនិយោគសមមូលនឹង ៥ (ប្រាំ) លានដុល្លារអាមេរិកចុះ ស្របទៅនឹងអនុក្រឹត្យ ស្តីពីការរៀបចំ និងការប្រព្រឹត្តទៅនៃអនុគណៈកម្មាធិការវិនិយោគរាជធានី ខេត្ត ដែលបានសម្រេចឱ្យគ្រប់ក្រសួង ស្ថាប័នពាក់ព័ន្ធត្រូវធ្វើប្រតិភូកម្មសិទ្ធិអំណាចជូនមន្ទីរ អង្គភាព ឬរដ្ឋបាលរាជធានី ខេត្ត ដែលជាខ្សែបណ្តោយរបស់ខ្លួន ដើម្បីឱ្យអនុគណៈកម្មាធិការនេះអាចអនុវត្តភារកិច្ចពិនិត្យសម្រេចចុះបញ្ជីគម្រោងវិនិយោគឯកជន ដែលមានទុនវិនិយោគសមមូលនឹង ៥ (ប្រាំ) លានដុល្លារអាមេរិកចុះក្រោមបាន៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube