ប្រជុំពិនិត្យពិភាក្សាបន្ថែមសេចក្តីព្រាងច្បាប់ស្តីពីប្រព័ន្ធទឹកកខ្វក់ ឱ្យបានកាន់តែលម្អិត និងគ្រប់ជ្រុងជ្រោយ នាថ្ងៃទី៥ ខែមីនា ឆ្នាំ២០២៤ ឯកឧត្តម រស់ វណ្ណា រដ្ឋលេខាធិការ ក្រសួងសាធារណការ និងដឹកជញ្ជូន បានអញ្ជើញដឹកនាំកិច្ចប្រជុំផ្ទៃក្នុង ពិភាក្សាលើសេចក្តីព្រាងច្បាប់ស្តីពីប្រព័ន្ធទឹកកខ្វក់ នៅទីស្តីការក្រសួង ដោយកិច្ចប្រជុំនេះមានការអញ្ជើញចូលរួមពី ឯកឧត្តមអនុរដ្ឋលេខាធិការ ឯកឧត្តមអគ្គនាយក ប្រធាននាយកដ្ឋាន នៃអគ្គនាយកដ្ឋានប្រព័ន្ធចម្រោះទឹកកខ្វក់ លោកអគ្គនាយករងនៃអគ្គនាយកដ្ឋានផែនការ និងគោលនយោបាយ និងលោកប្រធាននាយកដ្ឋាននីតិកម្ម ព្រមទាំងមន្ត្រីជំនាញពាក់ព័ន្ធចូលរួមផងដែរ។ គោលបំណងនៃកិច្ចប្រជុំគឺដើម្បីត្រួតពិនិត្យពិភាក្សាបន្ថែមលើសេចក្តីព្រាងច្បាប់ស្តីពីប្រព័ន្ធទឹកកខ្វក់ ឱ្យបានកាន់តែលម្អិត និងគ្រប់ជ្រុងជ្រោយ ដោយបានកែសម្រួលពាក្យពេចន៍ក្នុងសទ្ទានុក្រម និងខ្លឹមសារខ្លះៗ ធ្វើយ៉ាងណាឱ្យមានភាពច្បាស់លាស់ត្រឹមត្រូវ និងសង្គតិភាព៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube