សិក្ខាសាលាស្តីពី “ការរៀបចំកិច្ចការរដ្ឋបាលក្នុងអង្គភាព” រៀបចំដោយវិទ្យាស្ថានតេជោសែន សាធារណការ និងដឹកជញ្ជូន ទីស្ដីការក្រសួង៖ នាព្រឹកថ្ងៃអង្គារ ទី១២ ខែធ្នូ ឆ្នាំ២០២៣ លោក ប្រាងហង្ស សិរីរិទ្ធ នាយកស្ដីទី វិទ្យាស្ថានតេជោសែន សាធារណការ និងដឹកជញ្ជូន បានអញ្ជើញជាអធិបតីក្នុងពិធីបើកសិក្ខាសាលាស្ដីពី “ការរៀបចំកិច្ចការរដ្ឋបាលក្នុងអង្គភាព” ដោយមានការចូលរួមពីមន្ដ្រីមកពីនាយកដ្ឋានចំណុះឱ្យវិទ្យាស្ថានមួយចំនួនផ្សេងទៀត។ សិក្ខាសាលានេះ ត្រូវបានរៀបចំឡើងក្នុងគោលបំណងដើម្បីចែករំលែកចំណេះដឹងទូទៅអំពីការងាររដ្ឋបាល ដោយមានការធ្វើបទបង្ហាញពីសំណាក់ថ្នាក់ដឹកនាំ និងគ្រូបង្គោលមកពីនាយកដ្ឋានរដ្ឋបាល និងហិរញ្ញវត្ថុ នៃវិទ្យាស្ថាន។ តាមរយៈសិក្ខាសាលាខាងលើ អ្នកចូលរួមនឹងទទួលបានអត្ថប្រយោជន៍ដូចជា៖ (១) ចំណេះដឹងមូលដ្ឋានអំពីការងាររដ្ឋបាល (២) យល់ដឹងពីនីតិវិធីការងារ និងបែបបទរដ្ឋបាលកាន់តែច្បាស់ (៣)បង្កើនចំណេះដឹងបន្ថែម និងពង្រឹងសមត្ថភាពរបស់ខ្លួនក្នុងការងាររដ្ឋបាលឱ្យកាន់តែប្រសើរ (៤) ចេះរៀបចំចាត់ចែងការងាររដ្ឋបាល ឱ្យសមស្របទៅតាមលិខិតបទដ្ឋាន សារាចរ សេចក្តីណែនាំ របស់ក្រសួង និងរាជរដ្ឋាភិបាល (៥) កាត់បន្ថយពេលវេលាក្នុងការរៀបចំលិខិតរដ្ឋបាល (៦) យល់ដឹងពីការរក្សា និងរៀបចំទុកដាក់ឯកសារឱ្យបានត្រឹមត្រូវ (៧) មានសមត្ថភាពក្នុងការធានាលើសុវត្ថិភាពឯកសារ និងលិខិតរដ្ឋបាលទាំងអស់ ដែលត្រូវរៀបចំជូនថ្នាក់ដឹកនាំ និង (៨) អាចបំពេញការងារស្របទៅតាមតម្រូវការរបស់ការិយាល័យ នាយកដ្ឋាន ក៏ដូចជាវិទ្យាស្ថានទាំងមូលផងដែរ៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube