សម្តេចធិបតីនាយករដ្ឋមន្រ្តី ជំរុញឱ្យលើកកម្ពស់ការប្រើប្រាស់រថយន្តអគ្គិសនី និងបង្កើតស្ថានីយ៍បញ្ចូលអគ្គិសនីទាំងរដ្ឋ និងឯកជន ឱ្យបានច្រើនកន្លែងនៅទូទាំងប្រទេស ភ្នំពេញ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី បានមានប្រសាសន៍ដោយជំរុញការលើកកម្ពស់នៃការប្រើប្រាស់រថយន្តអគ្គិសនីនៅកម្ពុជា ដោយសារតែការលើកកម្ពស់ការប្រើប្រាស់រថយន្តអគ្គិសនីនេះ គឺមានប្រយោជន៍២សម្រាប់កម្ពុជា គឺបង្កើនប្រសិទ្ធភាពនៃការប្រើប្រាស់ថាមពល និងកាត់បន្ថយការបញ្ចេញឧស្ម័នពុលទៅក្នុងបរិយាកាស។ បន្ថែមលើការជំរុញនេះ សម្តេចធិបតីក៏បានប្រាប់ទៅក្រសួងរ៉ែ និងថាមពល បង្កើតស្ថានីយ៍បញ្ចូលអគ្គិសនីទាំងរដ្ឋ និងឯកជន ឱ្យបានច្រើនកន្លែងនៅទូទាំងប្រទេសដើម្បីផ្តល់ភាពងាយស្រួលដល់អ្នកប្រើប្រាស់រថយន្តអគ្គិសនី។ ការជំរុញនេះ គឺបានធ្វើឡើងនៅក្នុងឱកាសដែលសម្តេចធិបតី ហ៊ុន ម៉ាណែត អញ្ជើញជាអធិបតី ក្នុងពិធី “បិទស្ទឹង បើកការដ្ឋានសាងសង់ទំនប់វារីអគ្គិសនី តាតៃលើ” ដែលមានអានុភាព សរុប ១៥០ មេហ្គាវ៉ាត់ ស្ថិតនៅក្នុងស្រុកថ្មបាំង ខេត្តកោះកុង នៅព្រឹកថ្ងៃទី៣០ ខែវិច្ឆិកា ឆ្នាំ២០២៣ ។