កិច្ចប្រជុំពិភាក្សាស្តីពីបច្ចុប្បន្នភាព និងឱកាសបន្ថែមទៀតនៃកិច្ចសហប្រតិបត្តិការជាមួយទីភ្នាក់ងារបារាំងដើម្បីការអភិវឌ្ឍ (AFD) ទីស្តីការក្រសួង៖ ថ្ងៃពុធ ១១កើត ខែអស្សុជ ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី២៥ ខែតុលា ឆ្នាំ២០២៣ លោកជំទាវ មឹន មាណវី រដ្ឋលេខាធិការ បានអញ្ជើញដឹកនាំកិច្ចប្រជុំពិភាក្សាស្តីពីបច្ចុប្បន្នភាព និងឱកាសបន្ថែមទៀតនៃកិច្ចសហប្រតិបត្តការជាមួយទីភ្នាក់ងារបារាំងដើម្បីការអភិវឌ្ឍ (AFD) ជាមួយលោកBertr Clochard ប្រធានក្រុមការងារតំណាងAFD ដោយមានការចូលរួមពីលោកជំទាវរដ្ឋលេខាធិការ ឯកឧត្តមអនុរដ្ឋលេខាធិការ តំណាងអគ្គនាយកដ្ឋានប្រព័ន្ធចម្រោះទឹកកខ្វក់ អគ្គនាយកដ្ឋានសាធារណការ អគ្គនាយកដ្ឋានដឹកជញ្ជូនគោក និង ខេត្តសៀមរាប និងបាត់ដំបង សាលារាជធានីភ្នំពេញ តំណាងក្រសួងធនធានទឹក និងឧតុនិយម និងបណ្តាក្រសួង-ស្ថាប័នពាក់ព័ន្ធផងដែរ។ កិច្ចប្រជុំនេះធ្វើឡើងក្នុងគោលបំណងដើម្បីពិភាក្សាអំពី ១) វឌ្ឍនភាពការងារ នៃគម្រោងផ្គត់ផ្គង់ទឹកស្អាត និងអនាម័យខេត្ត ២) បច្ចុប្បន្នភាព និងជំហានបន្តនៃការគ្រប់គ្រងវិស័យប្រព័ន្ធចម្រោះទឹកកខ្វក់ និង ៣) ការងារអាទិភាពសំខាន់ៗដែលគ្រោងសហការបន្ត៕