បន្ទាយមានជ័យ: ក្រុមការងាររបស់មន្ទីរសាធារណការ និងដឹកជញ្ជូនខេត្តបន្ទាយមានជ័យថែទាំបណ្តាញផ្លូវដែលប្រើប្រាសប្រចាំថ្ងៃ និងផ្លូវរងផលប៉ះពាល់ពីភ្លៀងធ្លាក់រណ្តំ ។ មន្ត្រីក្រុមការងារនៃមន្ទីរខាងលើឱ្យដឹងកាលពីថ្ងៃទី០៥ ខែតុលា ឆ្នាំ២០២៣ ថា ក្រុមការងារថែទាំជាប្រចាំនៃមន្ទីរសាធារណការ និងដឹកជញ្ជូនខេត្តបន្ទាយមានជ័យបន្តការងារជួសជុលផ្លូវជាតិលេខ៥៦ ដោយសម្អាតរុក្ខជាតិសងខាងផ្លូវ​ និងសម្អាតដីតាមមាត់រឺហ្គារ​ ស្ថិតនៅក្នុងភូមិសាស្ត្រស្រុកស្វាយចេក​។ ក៏បានលុបសំបុកមាន់​ ស្ថិតនៅភូមិសាស្ត្រស្រុកថ្មពួក​។ ក្រុមការងារក៏បន្តការងារជួសជុលផ្លូវជាតិលេខ៥៩ ចាប់ពីគ.មចំណុចខ្លះដោយលុបសំបុកមាន់​ ស្ថិតនៅភូមិសាស្ត្រស្រុកម៉ាឡៃ​។ ចំណែកស្ថិតនៅភូមិសាស្ត្រក្រុងប៉ោយប៉ែតវិញ ក្រុមការងារបន្តការងារជួសជុលផ្លូវខេត្តលេខ១៥៩K (ភូមិយាង សង្កាត់និមិត្ត-អូរល្ហុង ឃុំទួលពង្រ ស្រុកម៉ាឡៃ) ចាប់ពីគ.ម ៣+៨០០ ដល់គ.ម ៣+៩០០ ដោយជួសជុលស្រទាប់គ្រឹះឡើងវិញ​ ។ ផ្លូវនេះរងផលប៉ះពាល់ពីទឹកជំនន់ពីទឹកអូរព្រំដែនកម្ពុជា ថៃ ។ ឯផ្លូវខេត្តកូនដំរី -ស្វារអិល ដោយទឹកជំនន់ដែលហៀរកំពប់ ពីអាងពង្រ សង្កាត់និមិត្ត និងសង្កាត់អូរឬស្សី ក្រុងប៉ោយប៉ែត នឹងត្រូវថែទាំ ជួសជុលនៅក្រោយទឹកជំនន់ ៕