ផ្លូវដែកតភ្ជាប់ពីកម្ពុជា.ថៃច្រកទ្វារអន្តរជាតិប៉ោយប៉ែតនិងច្រកខ្លងលឹកត្រូវបានបើកអោយរថភ្លើងចេញ.ចូលដឹកទំនិញ បន្ទាយមានជ័យ៖ ផ្លូវដែកតភ្ជាប់ពីកម្ពុជា.ថៃច្រកទ្វារអន្តរជាតិប៉ោយប៉ែត និងច្រកខ្លងលឹក ត្រូវបានបើកអោយរថភ្លើងចេញ.ចូលដឹកទំនិញនៅថ្ងៃទី២៦ ខែកក្កដា ឆ្នាំ២០២៣ នៅក្រុងប៉ោយប៉ែត។ ក្នុងឱកាសដែលបើកដំណើរការផ្លូវដែកកម្ពុជា.ថៃអោយរថភ្លើងដឹកទំនិញចេញ.ចូល ឃើញមានវត្តមានមន្ត្រីក្រសួងសាធារណការនិងដឹកជញ្ជូន ដែលក្រុមអយ្យស្មាយាននិងមន្ត្រីជំនាញភាគីថៃ និងក្រុមហ៊ុនដឹកជញ្ជូនបានជួបប្រជុំពិភាក្សានៅខាងភាគីថៃ ហើយចូលជួបប្រជុំនៅស្ថានីយ៍រថភ្លើងក្រុងប៉ោយប៉ែត។ គួររំលឹកថា៖រយៈពេលកន្លងមកផ្លូវដែកដែលតភ្ជាប់កម្ពុជា.ថៃច្រកអន្តរជាតិប៉ោយប៉ែតដែលឈមច្រកខ្លងលឹកប្រទេសថៃ បានដំណើររថភ្លើងដឹកទំនិញចេញ.ចូលជាបណ្តុះអាសន្ន ក្រោយអគ្គិភ័យបានឆាបឆេះអគារកាស៊ីណូក្រុងប៉ោយប៉ែតត្រូវបានផ្អាក់ដំណើរការបណ្តុះអាសន្ន។ នៅពេលនេះផ្លូវដែកដែលតភ្ជាប់កម្ពុជា.ថៃច្រកអន្តរជាតិប៉ោយប៉ែត ឈមច្រកខ្លងលឹកប្រទេសថៃ ត្រូវបានបើកដំណើរការអោយរថភ្លើងដឹកទំនិញចេញ.ចូលកម្ពុជា.ថៃ ដែលបានផ្តល់វិស័យសេដ្ឋកិច្ចឆ្លងកាត់ព្រំដែនដូចជាការសម្រេចបាននូវចក្ខុវិស័យអាស៊ានក្នុងការតភ្ជាប់ប្រទេសតំបន់អាស៊ានទាំងមូល។ ប្រជាពលរដ្ឋបានសប្បាយចិត្តនិងត្រេកអរ នៅពេលឃើញផ្លូវដែកតភ្ជាប់កម្ពុជា.ថៃច្រកអន្តរជាតិប៉ោយប៉ែតឈមច្រកខ្លងលឹកប្រទេសថៃត្រូវបានបើកដំណើរការរថភ្លើងដឹកទំនិញចេញ.ចូល៕