ព្រះវិហារៈ នាព្រឹកថ្ងៃទី២១ ខែមិថុនា ឆ្នាំ២០២៣ លោក គីម រិទ្ធី អភិបាលខេត្តព្រះវិហារ បានចុះពិនិត្យការដ្ឋានគម្រោងស្ថាបនាផ្លូវក្រាលកៅស៊ូពីរជាន់ DBST ប្រវែង ២៤,២ គ.ម ពីទីរួមស្រុកសង្គមថ្មី ត្រង់ចំណុចមុខសាលាស្រុកសង្គមថ្មី ទៅកាន់ទីប្រជុំជនឃុំរណសិរ្ស។ លោក គីម រិទ្ធី អភិបាលខេត្តព្រះវិហារ បានឱ្យដឹងថាៈ ការស្ថាបនាផ្លូវមួយខ្សែនេះ បានជួយសម្រួលដល់ការធ្វើដំណើរ ការដឹកជញ្ជូនកសិផល ដែលបម្រើឱ្យវិស័យសេដ្ឋកិច្ច សង្គមកិច្ច និងវិស័យទេសចរណ៍ ផងដែរ។ លោក ម៉ប់ ធីរិទ្ធ ប្រធានមន្ទីរអភិវឌ្ឍន៍ជនបទ ខេត្តព្រះវិហារ បានឱ្យដឹងថាៈ តាមរយៈ កិច្ចខិតខំប្រឹងរបស់ មន្ទីរអភិវឌ្ឍន៍ជនបទ ខេត្តព្រះវិហារ និងក្រសួងអភិវឌ្ឍន៍ជនបទ បានធ្វើសំណើគម្រោងដោយជោគជ័យ ទៅកាន់ម្ចាស់ជំនួយ ដែលក្នុងនោះ មានធនាគារអភិវឌ្ឍន៍អាស៊ី (ADB) ប្រជាជនជប៉ុន និងទីភ្នាក់ងារអភិវឌ្ឍន៍បារាំង (AFD) ទើបបានសមិទ្ធផល ដែលបានសម្រេចជាផ្លែផ្កា នៅថ្ងៃនេះ។ ប្រជាពលរដ្ឋ បានឱ្យដឹងថាៈ កន្លងមក ផ្លូវទីនេះ គឺមានការពិបាក ហើយពួកគាត់សង្ឃឹមថា ចាប់ពីពេលនេះទៅ អាចប្រើការបានស្រួលជាមិនខាន៕