យោងតាម​​​​​ប្រភពពី​ក្រសួង​សាធារ​ណ​ការ​ និង​ដឹក​ជញ្ជូន​​ ​អំ​ពី​​​​របៀបស្នើរ​​​សុំពី​បណ្ណបើកបរ​ជាតិ​ប្តូរ​​ទៅ​បណ្ណ​បើកបរអន្ត​រ​ជាតិ​​​​​​​ ​​និង​កម្រៃ​​​សេ​​​​​​វា​ ​ចំនួន​ ៣​ខាងក្រោម​៖ ឯកសារតម្រូវ៖ ១​. បណ្ណបើកបរ (ច្បាប់ដើម) ២. អត្តសញ្ញាណប័ណ្ណសញ្ជាតិខ្មែរ (ច្បាប់ចម្លងដែលមានបញ្ជាក់ពីអាជ្ញាធរមានសមត្ថកិច្ច) ៣. រូបថតខ្នាត ៤.៥ x ៤.៥ ផ្ទៃពណ៌សចំនួន ៤សន្លឹក កម្រៃសេវា៖ បណ្ណបើកបរអន្តរជាតិ ២៥០.០០០ រៀល គួរ​ជំរាប​ផងដែរ​ អ្នកមាន​បណ្ណអនុញ្ញាតបើកបរអន្តរជាតិ អាចបើកបរ​បាន​​​​​នៅតាម​បណ្ដា​ប្រទេសហត្ថលេខីលើអនុសញ្ញាស្ដីពីចរាចរណ៍ផ្លូវគោក(​៩៩ប្រទេស) ទីក្រុងវីយ៉នថ្ងៃទី១៩ ខែកញ្ញា ឆ្នាំ១៩៤៩ ។ សម្រាប់​​សុពលភាពរបស់​​​ បើកបរអន្តរជាតិមានសុពលភាព១ (មួយ)ឆ្នាំស្របតាមអនុសញ្ញាស្ដីពីចរាចរណ៍ផ្លូវគោក ទីក្រុងវីយ៉ន ថ្ងៃទី១៩ ខែកញ្ញា ឆ្នាំ១៩៤៩ ។ ដោយឡែកបើ​​​​យោង​​​តាម​និតិវិធី​​នៃការចេញ​បណ្ណបើកបរ​អនុញ្ញាត​បើកបរអន្តរជាតិ​ លេខ​ ០៣២ ប្រក.សក.ដជគ បាន​បញ្ជាក់ផងដែរថា​ បណ្ណអនុញ្ញាតបើកបរអន្តរជាតិពុំមាន​សុពល​​ភាពអាច ប្រើប្រាស់នៅក្នុង​​​​ព្រះរាជាណាចក្រកម្ពុជាឡើយ៕