“ទិញលេខសម្គាល់យានយន្ត​ តាមប្រព័ន្ធអនឡាញ​“ ជាផ្នែកមួយ​ នៃទំនើបកម្មប្រព័ន្ធបច្ចេកវិទ្យាឌីជីថល និងជាសមិទ្ធផល ជាផ្លែផ្កា នៃកំណែទម្រង់ដ៏អស្ចារ្យរបសយេីង​ (រាជរដ្ឋាភិបាល) ត្រូវបាន សម្តេចតេជោ ថ្លែងកោតសរសេីរ​ ក្នុងពិធីប្រកាសបើកការដ្ឋានគម្រោងស្ដារ និងលើកកម្រិតគុណភាពផ្លូវជាតិលេខ៣១ និងផ្លូវជាតិលេខ៣៣ នាថ្ងៃទី៣០​ ធ្នូ​ ២០២២​ ទំនើបកម្មប្រព័ន្ធស្វ័យប្រវត្តិកម្ម បច្ចេកវិទ្យាឌីជីថល គឺជាកំណែទម្រង់ស៊ីជម្រៅដែលធ្វើឱ្យគុណភាពនៃការរស់នៅរបស់ប្រជាពលរដ្ឋ កាន់តែមានភាពទំនើប ទាន់សម័យ និងចំណេញពេលវេលាច្រើន។ ក្នុងនោះដែរ ក្រសួងសាធារណការ និងដឹកជញ្ជូន​ ដឹកនាំដោយ​ ឯកឧត្តម​ទេសរដ្ឋមន្ត្រី​ ស៊ុន​ ចាន់ថុល ក្នុងនាមជាសេនាធិការរាជរដ្ឋាភិបាល បាន និងកំពុង ធ្វើទំនើបកម្មប្រព័ន្ធស្វ័យប្រវត្តិកម្ម បច្ចេកវិទ្យាឌីជីថល ឥតឈប់ឈរ ជាពិសេសលើការផ្តល់សេវាសាធារណៈ រួមមាន៖ ការទិញលេខសម្គាល់យានយន្ត ការចុះបញ្ជីយានយន្ត ការស្នើសុំណាត់ពេលដើម្បីត្រួតពិនិត្យលក្ខណៈបច្ចេកទេសយានយន្ត(ឆៀក) ការដាក់ពាក្យដើម្បីប្រឡងយកបណ្ណបើកបរ និងការបញ្ចូលសមតុល្យទូទាត់កម្រៃសេវាប្រេីប្រាសផ្លូវល្បឿនលឿន ព្រមទាំងការកាត់ពិន្ទុ​បណ្ណបេីកបរនិងពិន័យបទល្មេីសចរាចរណ៍​ ជាដេីម​ …។ ល៕