កិច្ចប្រជុំតាមប្រព័ន្ធវីដេអូពីចម្ងាយ(Online) ត្រៀមរៀបចំកម្មវិធីបាឋកថា និងទស្សនកិច្ចសិក្សា របស់កម្មសិក្សាការី និងសិស្សមន្ត្រីជាន់ខ្ពស់ជំនាន់ទី១២ ឆ្នាំ២០២២ នៃសាលាភូមិន្ទរដ្ឋបាល ថ្ងៃព្រហស្បតិ៍ ១៥រោច ខែអាសាឍ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី២៨ ខែកក្កដា ឆ្នាំ២០២២ នៅទីស្តីការក្រសួង លោក ជា សុជាតិ នាយករងខុទ្ទកាល័យ ឯកឧត្តមទេសរដ្ឋមន្រ្តី បានអញ្ជើញដឹកនាំកិច្ចប្រជុំតាមប្រព័ន្ធវីដេអូពីចម្ងាយ(Online) ជាមួយ ឯកឧត្តម សុខ សេងយ៉ន នាយករង សាលាភូមិន្ទរដ្ឋបាល និងក្រុមការងារ ដោយមានការចូលរួមពីថ្នាក់ដឹកនាំក្រសួង និងមន្រ្តីពាក់ព័ន្ធ ដើម្បីត្រៀមរៀបចំកម្មវិធីបាឋកថា និងដំណើទស្សនកិច្ចសិក្សា របស់កម្មសិក្សាការី និងសិស្សមន្ត្រីជាន់ខ្ពស់ជំនាន់ទី១២ ឆ្នាំ២០២២ នៃសាលាភូមិន្ទរដ្ឋបាល ។ អង្គប្រជុំ បានគូសបញ្ជាក់អំពីព័ត៌មានសំខាន់ៗពាក់ព័ន្ធទៅនឹងកំណែទម្រង់ស៊ីជម្រៅក្នុងវិស័យសាធារណការ និងដឹកជញ្ជូន ដែលនឹងត្រូវធ្វើការចែករំលែកតាមរយៈការធ្វើបាឋកថា ដល់កម្មសិក្សាការី និងសិស្សមន្ត្រីជាន់ខ្ពស់ ចូលរួមផ្ទាល់នៅទីស្តីការក្រសួង បានយល់ច្បាស់អំពីទិសដៅ ក៏ដូចជាចក្ខុវិស័យរបស់ក្រសួងសាធារណការ និងដឹកជញ្ជូន ត្រៀមខ្លួនរួចជាស្រេចក្នុងការសហការអនុវត្តប្រកបដោយឆន្ទៈខ្ពស់។ ទន្ទឹមនោះអង្គប្រជុំក៏បានពិភាក្សាទៅលើការត្រៀមលក្ខណៈឱ្យបានហ្មត់ចត់ ក្នុងការរៀបចំកម្មវិធីបាឋកថា ដែលនឹងប្រព្រឹត្តទៅនាខែសីហា ខាងមុខនេះ ធ្វើយ៉ាងណាឱ្យកម្មវិធីអាចដំណើរការបានរលូន៕