កិច្ចប្រជុំអន្តរក្រសួងបន្តស្តីពីអនុក្រឹត្យស្តីពីប្រព័ន្ធផ្លាស់ប្តូរទិន្នន័យអេឡិចត្រូនិកកំពង់ផែ(Port EDI) ដឹកនាំដោយឯកឧត្តមរដ្ឋលេខាធិការ រស់ វណ្ណា ថ្ងៃអង្គារ ៧រោច ខែជេស្ឋ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី២១ ខែមិថុនា ឆ្នាំ២០២២ នៅទីស្តីការក្រសួង ឯកឧត្តម រស់ វណ្ណា រដ្ឋលេខាធិការក្រសួងសាធារណការ និងដឹកជញ្ជូន បានអញ្ជើញដឹកនាំកិច្ចប្រជុំអន្តរក្រសួងបន្តស្តីពីអនុក្រឹត្យស្តីពីប្រព័ន្ធផ្លាស់ប្តូរទិន្នន័យអេឡិចត្រូនិកកំពង់ផែ (Port EDI) ដោយមានការចូលរួមពីថ្នាក់ដឹកនាំក្រសួងទទួលបន្ទុក ឯកឧត្តម ម៉ក់ ស៊ីដេត អគ្គនាយកនៃអគ្គនាយកដ្ឋានដឹកជញ្ជូនផ្លូវទឹក ផ្លូវសមុទ្រ និងកំពង់ផែ តំណាងអគ្គនាយកដ្ឋានរដ្ឋបាល និងហិរញ្ញវត្ថុ ប្រធាននាយកដ្ឋាននាវាជំនួញសមុទ្រ និងមន្ត្រីពាក់ព័ន្ធ តំណាងនាយកដ្ឋានព័ត៌មានវិទ្យា និងទំនាក់ទំនងសាធារណៈ តំណាងអគ្គនាយកដ្ឋានអន្តោប្រវេសន៍ តំណាងអគ្គនាយកដ្ឋានគយ និងរដ្ឋាករកម្ពុជា តំណាងអគ្គនាយកដ្ឋានបច្ចេកទេសសុខាភិបាលនៃក្រសួងសុខាភិបាល តំណាងកំពង់ផែស្វយ័តក្រុងព្រះសីហនុ និងតំណាងកំពងផែស្វយ័តភ្នំពេញ។ ជាលទ្ធផល អង្គប្រជុំបានពិនិត្យ និងពិភាក្សាលើជំពូកទី៣ ស្តីពីការទទួលខុសត្រូវគ្រប់គ្រង និងអនុវត្តប្រព័ន្ធផ្លាស់ប្តូរទិន្នន័យអេឡិចត្រូនិកកំពង់ផែរបស់ក្រសួងស្ថាប័ន ដោយសម្រេចបង្រួមមាត្រា១០-១១-១២ និង១៣ ជាមាត្រាតែមួយ និងបន្តពិភាក្សាលើជំពូកទី៤ស្តីពីលក្ខខណ្ឌ បែបបទ និងនីតិវិធីនៃការស្នើសុំនាវាចូលចេញ ដែលក្នុងនោះមានចំនួន៤ផ្នែក និង៨មាត្រា៕