[Khmer times] - លោក ស៊ុន ចាន់ថុល ជំរុញសហរដ្ឋអាមេរិកវិនិយោគក្នុងវិស័យដឹកជញ្ជូនកម្ពុជា
2022-06-20
ទៅកាន់ទំព័រចុះផ្សាយក្នុង Khmer times
ទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានស្នើសុំប្រតិភូសហរដ្ឋអាមេរិក មកបណ្តាក់ទុន ដើម្បីកែលម្អវិស័យដឹកជញ្ជូននៅកម្ពុជា។
ការស្នើសុំរបស់លោក ធ្វើឡើងក្នុងពិធីបើកមជ្ឈមណ្ឌលបណ្តុះបណ្តាលបច្ចេកទេសយានយន្តកាលពីថ្ងៃទី១៧ ខែមិថុនា។ មជ្ឈមណ្ឌលនេះត្រូវបានបង្កើតឡើងក្រោមកិច្ចសហការជាមួយវិទ្យាស្ថានសាធារណការ និងដឹកជញ្ជូនតេជោសែន និងក្រុមហ៊ុន RMA Group។ក្នុងពិធីសម្ពោធនេះ លោកទេសរដ្ឋមន្ត្រីបាន មានប្រសាសន៍ថា រដ្ឋាភិបាលកម្ពុជា តាមរយៈក្រសួងសាធារណការ បានដាក់ចេញនូវផែនការមេ ដើម្បីកែលម្អ និងអភិវឌ្ឍវិស័យដឹកជញ្ជូន ដើម្បីធ្វើឲ្យតម្លៃដឹកជញ្ជូននៅកម្ពុជា កាន់តែថោក។លោកថា ផែនការមេសម្រាប់អភិវឌ្ឍន៍វិស័យដឹកជញ្ជូនមានប្រមាណ ៣៣០គម្រោង ថវិកាវិនិយោគប្រមាណ ៥០ពាន់លានដុល្លារ និង រយៈពេលអភិវឌ្ឍន៍ ១០ឆ្នាំ។
ដើម្បីនាំយកផែនការអភិវឌ្ឍន៍វិស័យដឹកជញ្ជូនឱ្យសម្រេចបានផ្លែផ្កា លោកទេសរដ្ឋមន្ត្រី បានស្នើឱ្យក្រុមហ៊ុន Ford RMA ជួយទាក់ទាញអ្នកវិនិយោគអាមេរិកបន្ថែមទៀត ឱ្យចូលរួមក្នុងការអនុវត្តនូវការអភិវឌ្ឍន៍ និង ការវិនិយោគផ្នែកភ័ស្តុភារនៅកម្ពុជា៕
