ឯកឧត្តម រស់ វណ្ណា រដ្ឋលេខាធិការ បន្តដឹកនាំកិច្ចប្រជុំអន្តរក្រសួងស្តីពីអនុក្រឹត្យស្តីពីប្រព័ន្ធផ្លាស់ប្តូរទិន្នន័យអេឡិចត្រូនិកកំពង់ផែ (Port EDI) ថ្ងៃចន្ទ ១៤កើត ខែជេស្ឋ ឆ្នាំខាល ចត្វាស័ក ព.ស.២៥៦៦ ត្រូវនឹង ថ្ងៃទី១៣ ខែមិថុនា ឆ្នាំ២០២២ នៅទីស្តីការក្រសួង ឯកឧត្តម រស់ វណ្ណា រដ្ឋលេខាធិការ ក្រសួង សាធារណការ និងដឹកជញ្ជូន បានបន្តដឹកនាំកិច្ចប្រជុំអន្តរក្រសួងស្តីពីអនុក្រឹត្យស្តីពីប្រព័ន្ធផ្លាស់ប្តូរទិន្នន័យអេឡិចត្រូនិកកំពង់ផែ (Port EDI) ដោយមានការចូលរួមពីថ្នាក់ដឹកនាំក្រសួង ឯកឧត្តម ម៉ក់ ស៊ីដេត អគ្គនាយកនៃអគ្គនាយកដ្ឋានដឹកជញ្ជូនផ្លូវទឹកផ្លូវសមុទ្រនិងកំពង់ផែ តំណាងអគ្គនាយកដ្ឋានរដ្ឋបាល និងហរិញ្ញវត្ថុ ប្រធាននាយកដ្ឋាននាវាជំនួញសមុទ្រក្រសួង និងមន្ត្រីពាក់ព័ន្ធ តំណាងនាយកដ្ឋានព័ត៌មានវិទ្យា និងទំនាក់ទំនងសាធារណៈ តំណាងអគ្គនាយកដ្ឋានអន្តោប្រវេសន៍ តំណាងអគ្គនាយកដ្ឋានគយ និងរដ្ឋាករកម្ពុជា តំណាងអគ្គនាយកដ្ឋានបច្ចេកទេសសុខាភិបាលនៃក្រសួងសុខាភិបាល តំណាងកំពង់ផែស្វយ័តក្រុងព្រះសីហនុ និងតំណាងកំពង់ផែស្វយ័តភ្នំពេញ។ ជាលទ្ធផល អង្គប្រជុំបានពិនិត្យ និងពិភាក្សាលើជំពូកទី១ បទប្បញ្ញត្តិទូទៅ ជំពូកទី២ ប្រព័ន្ធផ្លាស់ប្តូរទិន្នន័យអេឡិចត្រូនិកកំពង់ផែ (Port EDI) និងជំពូកទី៣ ក្រសួងស្ថាប័នទទួលខុសត្រូវ គ្រប់គ្រង និងអនុវត្តប្រព័ន្ធផ្លាស់ប្តូរទិន្នន័យអេឡិចត្រូនិកកំពង់ផែ(Port EDI) រួមមាន១៤មាត្រា៕