ភ្នំពេញ ៖ គណៈកម្មាធិការសម្របសម្រួលអចិន្ត្រៃយ៍ នៃគណៈកម្មាធិការដឹកនាំការត្រួតពិនិត្យយានយន្តដឹកជញ្ជូនលើសទម្ងន់កម្រិតកំណត់ នៅក្នុងខែមីនា ឆ្នាំ២០២២ ចាប់រថយន្តដឹកជញ្ជូនលើសទម្ងន់ចំនួន ២៨២ គ្រឿង និងពិន័យថវិកាសរុបបានចំនួន ៤៩៩ លានរៀល ដោយមានការថយចុះចំនួន១៧គ្រឿង ស្មើនឹង៥% បើធៀបនឹងទិន្នន័យ ខែកុម្ភៈ ឆ្នាំ២០២២ កន្លងទៅ មានចំនួន ២៩៩គ្រឿង។ ក្រសួងសាធារណៈការបញ្ជាក់បន្ថែមថា ម្ចាស់រថយន្តដឹកទំនិញទាំងអស់ត្រូវដឹងថា ការបង្កផលប៉ះពាល់ ដែលបណ្តាលមកពីការដឹកជញ្ជូនលើសទម្ងន់ គឺបានបំផ្លាញផ្លូវជាតិ ដែលនាំឱ្យខាតបង់ថវិកាជាតិ ព្រមទាំងបង្កនូវគ្រោះថ្នាក់ប៉ះពាល់ដល់ទ្រព្យសម្បត្តិសាធារណៈ និងជីវិតមនុស្សផងដែរ៕