ឯកឧត្ដមអគ្គនាយក ឈៀង ពេជ្រ ប្រធានឧត្តមមន្ត្រីដឹកជញ្ជូនកម្ពុជា ដឹកនាំគណៈប្រតិភូក្រសួងចូលរួមសិក្ខាសាលាស្តីពី៖ ការអភិវឌ្ឍប្រកបដោយចីរភាព និងសង្គមឌីជីថល ដែលរៀបចំឡើងដោយលេខាធិការដ្ឋានអាស៊ាន តាមប្រព័ន្ធវីដេអូពីចម្ងាយ ថ្ងៃព្រហស្បតិ៍ ១កើត ខែផល្គុន ឆ្នាំឆ្លូវ ត្រីស័ក ព.ស.២៥៦៤ ត្រូវនឹងថ្ងៃទី០៣ ខែមីនា ឆ្នាំ២០២២ នៅទីស្ដីការក្រសួង ឯកឧត្ដម ឈៀង ពេជ្រ អគ្គនាយកនៃអគ្គនាយកដ្ឋានភស្តុភារកម្ម នៃក្រសួងសាធារណការ និងដឹកជញ្ជូន និងជាប្រធានឧត្តមមន្ត្រីដឹកជញ្ជូនកម្ពុជា បានដឹកនាំគណៈប្រតិភូក្រសួងចូលរួមសិក្ខាសាលាស្តីពី៖ ការអភិវឌ្ឍប្រកបដោយចីរភាព និងសង្គមឌីជីថលឌីជីថល ដែលរៀបចំឡើងដោយលេខាធិការដ្ឋានអាស៊ាន តាមប្រព័ន្ធវីដេអូពីចម្ងាយ។ សិក្ខាសាលានេះមានគោលបំណងជួយពង្រឹងកិច្ចសហប្រតិបត្តិការតាមវិស័យនៅក្នុងសហគមន៍សេដ្ឋកិច្ចអាស៊ាន ជាពិសេសផ្ដល់ឱកាសដល់ឧត្តមមន្ត្រីរបស់អាស៊ានទាំងអស់អាចជួបពិភាក្សាបញ្ចេញមតិ យោបល់ដោយចំហ ក៏ដូចជាស្វែងរកវិធីក្នុងការធ្វើការរួមគ្នាលើប្រធានបទជាក់លាក់ បញ្ហាប្រឈម បញ្ហា ឆ្លងកាត់វិស័យ ជាពិសេសលើវិស័យដែលមានសារៈសំខាន់ជាយុទ្ធសាស្ត្រចំពោះអាស៊ាន និងអនាគត សហគមន៍សេដ្ឋកិច្ចអាស៊ានផងដែរ។ លទ្ធផលចុងក្រោយនៃសិក្ខាសាលាស្តីពីការផ្តោតសំខាន់លើប្រធានបទខាងលើ នឹងត្រូវបានលើកយកទៅ ពិភាក្សាជាបន្តបន្ទាប់នៅក្នុងកិច្ចប្រជុំលើកទី១២នៃគណៈកម្មាធិការរួមរបស់សហគមន៍សេដ្ឋកិច្ចអាស៊ាន (THE 12TH MEETING OF THE COMMITTEE OF THE WHOLE FOR ASEAN ECONOMIC COMMUNITY) ដែលនឹងប្រព្រឹត្តទៅតាមប្រព័ន្ធវីដេអូពីចម្ងាយ នៅថ្ងៃទី១០ ខែមីនា ឆ្នាំ២០២២ ដើម្បីស្នើសុំអនុសាសន៍ការណែនាំបន្ថែម៕