ក្រចេះ៖ ថ្ងៃពុធ ១៥កើត ខែមាឃ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី១៦ ខែកុម្ភៈ ឆ្នាំ២០២២ បន្ទាប់ពីអញ្ជើញអមដំណើរសម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណា ចក្រកម្ពុជាក្នុងពិធីសម្ពោធបើកឱ្យប្រើប្រាស់ជាផ្លូវការស្ពានទាំង៧កន្លែង នៃគម្រោងសាងសង់ស្ពានឡើង វិញបន្ទាន់នៅតំបន់ប្រឈមនឹងទឹកជំនន់ ឯកឧត្ដមទេសរដ្ឋមន្ត្រី ស៊ុន ចាន់ថុល រដ្ឋមន្ដ្រីក្រសួង សាធារណការ និងដឹកជញ្ជូន បានដឹកនាំគណៈប្រតិភូក្រសួងនាំយកទេយ្យទានទៅប្រគេនព្រះសង្ឃ ដែលគង់នៅវត្តបុសលាវ ហៅវត្តបុស្សមាលី ឋិតនៅក្នុងឃុំបុស្សលាវ ស្រុកចិត្របុរី ខេត្តក្រចេះ ដើម្បីបួងសួងសូមឱ្យវត្ថុស័ក្កិសិទ្ធិទាំងពួងក្នុងលោកតាមជួយថែរក្សាទំនុកបម្រុងចម្រុងចម្រើនដល់មន្ត្រីរាជការនៃ ក្រសួងសាធារណការ និងដឹកជញ្ជូន ក៏ដូចជាបងប្អូនប្រជាពលរដ្ឋខ្មែរទូទាំងប្រទេស និងសូមជួយថែរក្សាប្រទេសជាតិយើងឱ្យមានសុខសន្តិភាព និងជៀសផុតពីការឆ្លងមេរោគកូវីដ-១៩៕