លោកជំទាវ កុយ សុដានី ប្រធានក្រុមការងារយុវជនគណបក្សប្រជាជនកម្ពុជាក្រសួងសាធារណការ និងដឹកជញ្ជូន បានដឹកនាំកិច្ចប្រជុំប្រចាំខែក្រុមអចិន្រ្តៃយ៏យុវជនគណបក្សប្រជាជនកម្ពុជាក្រសួងសាធារណការ និងដឹកជញ្ជូន តាមប្រព័ន្ធវីដេអូវីដេអូពីចម្ងាយ (zoom) ថ្ងៃសុក្រ ១៣កើត ខែមិគសិរ ឆ្នាំឆ្លូវ ត្រីស័ក ព.ស. ២៥៦៥ ត្រូវនឹងថ្ងៃទី១៧ ខែវិច្ឆិកា ឆ្នាំ២០២១ លោកជំទាវ កុយ សុដានី ប្រធានក្រុមការងារយុវជនគណបក្សប្រជាជនកម្ពុជា ក្រសួងសាធារណការ និងដឹកជញ្ជូន បានអញ្ជើញដឹកនាំកិច្ចប្រជុំបូកសរុបលទ្ធផលការងារប្រចាំខែ របស់ក្រុមការងារយុវជនគណបក្សក្រសួងដោយមានការ ចូលរួមពីឯកឧត្តម រាជ រ៉ា ប្រធានក្រុមការងារយុវជនបក្សក្រសួងពាណិជ្ជកម្ម និងជាអនុប្រធានផ្នែកក្រសួង-ស្ថាប័ន នៃយុវជនគណបក្សថ្នាក់កណ្តាល និងសមាជិក សមាជិកាអចិន្ត្រៃយ៍នៃក្រុមការងារ យុវជន តាមប្រព័ន្ធវីដេអូពីចម្ងាយ(zoom) ។ កិច្ចប្រជុំនេះផ្តោតជាសំខាន់លើការផ្សព្វផ្សាយឯកសារជំនួយស្មារតីចំណុចសំខាន់មួយចំនួននៃសភាពការណ៍ក្នុងខែវិច្ឆិកា និងទិសដៅការងារបន្តសម្រាប់ខែធ្នូ ឆ្នាំ២០២១ និងការចែករំលែកអំពីបទពិសោធន៍ ជាពិសេសពាក់ព័ន្ធនឹងយុទ្ធសាស្ត្រក្នុងការត្រៀមសម្រាប់ការបោះឆ្នោតនៅពេលខាងមុខ។ ថ្លែងទៅកាន់អង្គប្រជុំនាឱកាសនោះ លោកជំទាវប្រធានអង្គប្រជុំ បានពាំនាំនូវការកោតសរសើរ និងថ្លែង អំណរគុណពីថ្នាក់ដឹកនាំគណៈកម្មាធិការគណបក្សក្រសួងដល់សមាជិកសមាជិកាក្រុមការងារយុវជន ដែលបានរៀបចំរចនាសម្ព័ន្ធរបស់ខ្លួនប្រកបដោយលក្ខណៈច្បាស់លាស់ ប្រសិទ្ធភាព ងាយស្រួលក្នុងការ តាមដានសកម្មភាព ដែលជាសមិទ្ធផលសម្រេចបានតាមរយៈកិច្ចខិតខំប្រឹងប្រែងធ្វើសកម្មភាពរួមគ្នា និង បានជំរុញលើកទឹកចិត្តឱ្យសមាជិកសមាជិកាបំពេញភារកិច្ចឱ្យបានជោគជ័យជាបន្តបន្ទាប់ ក៏ដូចជាដើម្បីលើកកម្ពស់ជីវភាពរស់នៅរបស់ប្រជាពលរដ្ឋឱ្យកាន់តែល្អប្រសើរ និងបង្កើនជំនឿជឿជាក់លើការដឹកនាំរបស់គណបក្សប្រជាជនកម្ពុជាផងដែរ៕