បើយោងតាមសេចក្តីប្រកាសព័ត៌មានរបស់ក្រសួងការបរទេស និងសហប្រតិបត្តិការអន្តរជាតិ បានបញ្ជាក់ថា មេដឹកនាំ​កម្ពុជា ឡាវ និង​វៀតណាម (CLV) បាន​ឯកភាព​ព​ន្លឿ​ន​ការអនុវត្ត​ផែនការ​ការតភ្ជាប់​សេដ្ឋកិច្ច CLV ដល់​ឆ្នាំ២០៣០ ដោយ​ផ្តោតលើ​កិច្ចសហប្រតិបត្តិការ​ក្នុង​គៀងគរ​ធាន​ធន​ពី​ដៃគូរ​អភិវឌ្ឍន៍ ដើម្បី​ស្ថាបនា​ផ្លូវ​ល្បឿន​លឿន​ហាណូយ-វៀងចន្ទន៍ ផ្លូវ​រថភ្លើង​រៀង​ចន្ទន៍-វង្ស​អាន និង​ផ្លូវ​រថភ្លើង​ភ្នំពេញ-ហូជីមិញ។ នេះគឺជាលទ្ធផលនៃជំនួបតាមប្រព័ន្ធវីដេអូរវាងនាយករដ្ឋមន្រ្តីនៃប្រទេសទាំងបី ព្រះរាជាណាចក្រកម្ពុជា សាធារណរដ្ឋប្រជាធិបតេយ្យប្រជាមានិតឡាវ និងសាធារណរដ្ឋសង្គមនិយមវៀតណាម នៅថ្ងៃទី១០ ខែមីនា ឆ្នាំ២០២១ ហើយនៅក្នុង​វិស័យ​ការតភ្ជាប់ នាយករដ្ឋមន្ត្រី​ទាំងបី បាន​ឯកភាព​ពិចារណា​អំពី​ការ​ដំណើរ​ឡើងវិញ នូវ​ការហោះហើរ​អន្តរជាតិ​រវាង​កម្ពុជា ឡាវ និង​វៀតណាម ដើម្បី​ជំរុញ​ពាណិជ្ជកម្ម និង​ការវិនិយោគ ក៏ដូចជា​ការផ្លាស់ប្តូរ​រវាង​ប្រជាជន​នៃ​ប្រទេស​ទាំងបី។ គួរបញ្ជាក់ផងដែរថា កន្លងមក ប្រមុខដឹកនាំរដ្ឋាភិបាលនៃប្រទេសទាំងបី កម្ពុជា វៀតណាម និងឡាវ ក៏បានបានប្តេជ្ញារួមគ្នា ដើម្បីប្រែក្លាយតំបន់ត្រីកោណអភិវឌ្ឍន៍ឲ្យទៅជាប៉ូលសេដ្ឋកិច្ចថ្មីមួយទៀត សម្រាប់ប្រទេសទាំងបី ហើយក្នុងតំបន់អភិវឌ្ឍន៍ត្រីកោណនៃប្រទេសទាំងបី ពីមួយឆ្នាំទៅមួយឆ្នាំបានចូលរួមចំណែកដល់ការកៀរគររកប្រភពជំនួយពីគ្រប់ទិសទី ក្នុងការអភិវឌ្ឍន៍តំបន់ត្រីកោណ ឲ្យមានការប្រែប្រួលមុខមាត់ថ្មី និងមានការរីកចម្រើនជាលំដាប់៕