ភ្នំពេញ៖ ក្រសួងសាធារណការ និងដឹកជញ្ជូន នៅថ្ងៃទី១៦ ខែធ្នូ ឆ្នាំ២០២០ បានចេញសេចក្តីប្រកាសព័ត៌មាន សម្រេចបើកដំណើរការ ឡើងវិញនូវ គ្រប់មណ្ឌលប្រឡងយកបណ្ណបើកបរគ្រប់រាជធានី-ខេត្ត និងអនុវត្តតាមគោលការណ៍ណែនាំ ការពារជំងឺកូវីដ១៩របស់ក្រសួងសុខាភិបាល។ ក្រសួងសាធារណការ និងដឹកជញ្ជូន កាលពីចុងខែវិច្ឆិកា បានសេចក្តីជូនដំណឹង ស្តីពី ការផ្អាកដំណើរការបណ្តុះបណ្តាលនៅតាមសាលាបង្រៀនបើកបរយានយន្ត និងការប្រឡងយកបណ្ណបើកបរយានយន្ត ជាបណ្តោះអាសន្ន រយៈពេល ១៥ថ្ងៃ គិតចាប់ពីថ្ងៃទី១ ដល់ថ្ងៃទី១៥ ខែធ្នូ ឆ្នាំ២០២០ ដើម្បីចូលរួមទប់ស្កាត់ការរីករាលដាលនៃជំងឺកូវីដ១៩ ឆ្លងចូលក្នុងសហគមន៍៕