[Kampuchea Thmey] - កំណាត់ផ្លូវជាតិលេខ២ និងផ្លូវជាតិលេខ២០ ស្ថិតក្នុងខេត្តកណ្ដាល អាចឲ្យយានយន្តធ្វើចរាចរណ៍ឡើងវិញបានហើយ
2020-11-04
ទៅកាន់ទំព័រចុះផ្សាយក្នុង Kampuchea Thmey
ភ្នំពេញ ៖ កំណាត់ផ្លូវជាតិលេខ២ និងផ្លូវជាតិលេខ២០ ស្ថិតក្នុងខេត្តកណ្ដាល អាចឲ្យយានយន្តធ្វើចរាចរណ៍ឡើងវិញបានហើយ ក្រោយពីមានការជួសជុលកែសម្រួលដោយកន្លែង ដែលបានខូចខាតដោយសារទឹកជំនន់ទឹកភ្លៀងកន្លងមក។
យោងតាមសេចក្តីជូនដំណឹងរបស់ក្រសួងសាធារណការ និងដឹកជញ្ជូន បានឲ្យដឹងថា ការធ្វើចរាចរណ៍ឡើងវិញជាធម្មតានៅលើកំណាត់ផ្លូវខាងលើនេះ ចាប់ពីថ្ងៃទី០៤ ខែវិច្ឆិកា ឆ្នាំ២០២០ វេលាម៉ោង៧យប់តទៅ។
ដោយឡែក ចំពោះរថយន្តដឹកទំនិញធុនធំ សូមមេត្តាប្រុងប្រយ័ត្ននៅពេលចរាចរឆ្លងកាត់ស្ពានបេឡេតិ៍ នៅតាមបណ្ដោយផ្លូវជាតិលេខ២ ដែលអនុញ្ញាតឲ្យឆ្លងកាត់ត្រឹមទម្ងន់សរុបក្រោម២០តោនតែប៉ុណ្ណោះ៕
