(ភ្នំពេញ)៖ ដូចការគ្រោងទុក នៅព្រឹកថ្ងៃទី២៤ ខែកក្កដា ឆ្នាំ២០២០ ស្ពានអាកាសថ្មើរជើងផ្សារដើមគ បានដាក់ឲ្យដំណើរការប្រើប្រាស់ ក្រោមអធិបតីភាព ឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ។ ស្ពានអាកាសថ្មើរជើងផ្សារដើមគ ស្ថិតនៅលើមហាវិថីម៉ៅសេទុងមួយនេះ មានបណ្ដោយ២៧ម៉ែត្រ និងទទឹង៣ម៉ែត្រ។ ស្ពានអាកាសថ្មើរជើង ផ្សារដើមគ ត្រូវបានសាងសង់ឡើងស្របគ្នានឹងស្ពានអាកាសថ្មើរជើង នៅភ្លើងស្តុបសន្ធរម៉ុក។ យោងតាមផែនការមេរបស់រដ្ឋបាលរាជធានីភ្នំពេញ ក្រៅពីស្ពានថ្មើរជើងនៅចំណុ​ចផ្សារដើមគរ នៅសាលាសន្ធរមុខ និងនៅជម្ពូរវ័ន ផ្លូវជាតិលេខ៤ នៅមានស្ពានអាកាសថ្មើរជើងចំនួន២៥កន្លែងទៀត ដែលគ្រោងសាងសង់ ដើម្បីជួយសម្រួលដល់ការធ្វើចរាច​រណ៍ និងកាត់បន្ថយគ្រោះថ្នាក់ក្នុងពេលធ្វើដំណើរជាយថាហេតុ៕