បន្ទាយមានជ័យ​ ​៖​ ​នៅ​ថ្ងៃទី២២​ ​ខែមេសា​នេះ​ ​នាយក​រដ្ឋមន្រ្តី​នៃ​ប្រទេស​កម្ពុជា​ ​និង​ថៃ​ ​បាន​ចូលរួម​ក្នុង​ពិធី​ចុះហត្ថលេខា​លើ​កិច្ច​ព្រមព្រៀង​ប្រតិបត្តិ​ការ​រួមគ្នា​លើ​ការ​ដឹកជញ្ជូន​ផ្លូវដែក​ឆ្លងកាត់​ព្រំដែន​ ​និង​ពិធី​ប្រគល់​-​ទទួល​ក្បាលរថភ្លើង​ ​(​DMU​)​ ​ដែល​ជាអំណោយ​របស់​ថៃ​ ​ជូន​ដល់​កម្ពុជា​ ​។​ ​ថ្លែង​ក្នុង​ឱកាស​នោះ​ ​សម្ដេច​តេជោ​ ​នាយក​រដ្ឋមន្រ្តី​ ​ហ៊ុន​ ​សែន​ ​បាន​ថ្លែងអំណរគុណ​ដល់​រដ្ឋ​មន្ដ្​រី​ដឹកជញ្ជូន​ថៃ​ ​និង​សហការី​ ​ដែល​បាន​ជួយ​ជំរុញ​កិច្ច​ព្រមព្រៀង​ ​រហូត​មានការ​ចុះហត្ថលេខា​នៅ​ថ្ងៃនេះ​ ​។​ ​ ​សម្ដេច​តេជោ​ ​ហ៊ុន​ ​សែន​ ​សង្ឃឹមថា​ ​កិច្ច​សហប្រតិបត្តិ​ការ​នេះ​ ​នឹង​បន្ដ​ជោគជ័យ​នៅ​ពេល​ក្រោយ​ៗ​ទៀត​ ​ហើយ​ការ​តភ្ជាប់​ផ្លូវដែក​ឡើងវិញ​នេះ​ ​ជា​កាលានុវត្ត​ភាព​ក្នុង​ឱកាស​អភិវឌ្ឍន៍​ប្រទេស​ទាំងពីរ​ ​កម្ពុជា​-​ថៃ​ ​។​ ​ ​សម្ដេច​តេជោ​ ​ហ៊ុន​ ​សែន​ ​បាន​បញ្ជាក់​ថា​ ​កម្ពុជា​មាន​ចក្ខុវិស័យ​ ​និង​ផែនការ​ច្បាស់លាស់​ ​ក្នុង​ការអភិវឌ្ឍន៍​ ​និង​ស្ដារ​ឡើងវិញ​នូវ​ប្រព័ន្ធ​ផ្លូវដែក​នេះ​ ​។​ ​ ​សូម​បញ្ជាក់​ថា​ ​ក្រោយ​ពិធី​ចុះហត្ថលេខា​លើ​កិច្ច​ព្រមព្រៀង​ប្រតិបត្តិ​ការ​រួមគ្នា​ ​លើ​ការ​ដឹកជញ្ជូន​ផ្លូវដែក​ឆ្លងកាត់​ព្រំដែន​ ​និង​ពិធី​ប្រគល់​-​ទទួល​ក្បាលរថភ្លើង​ ​បាន​បញ្ចប់​ ​នាយក​រដ្ឋមន្រ្តី​ទាំងពីរ​ ​និង​គណៈប្រតិភូ​ ​បាន​រួមគ្នា​ធ្វើដំណើរ​តាម​រថភ្លើង​ ​ចេញពី​ស្ថានីយ​បាន​ក្លង​លឹ​ក​របស់​ថៃ​ ​ឆ្ពោះ​មកកាន់​ស្ថានីយ​រថភ្លើង​របស់​កម្ពុជា​ ​នៅក្នុង​ក្រុង​ប៉ោយប៉ែត​ ​។​ ​ជាមួយគ្នា​នេះ​ ​សម្តេច​តេជោ​ ​និង​លោក​ ​ប្រា​យុទ្ធ​ ​ក៏បាន​អញ្ជើញពិសា​រអា​ហារ​ពេលថ្ងៃ​រួមគ្នា​ផង​ដែរ​ ​៕