ភ្នំពេញ​៖​ លោក​ ពៅ ម៉ាលី រដ្ឋលេខាធិការ ក្រសួងសាធារណការ និងដឹកជញ្ជូន និងតំណាងអង្គការ JICA​ បានរៀបចំកម្មវិធីអប់រំ និងផ្សព្វផ្សាយអំពី ប្រព័ន្ធស្វ័យប្រវត្តិកម្មនៃការចុះបញ្ជី និងត្រួតពិនិត្យបច្ចេកទេសយានយន្ត ជាសាធារណៈ​ នៅថ្ងៃទី១៧​ ខែធ្នូ​ ឆ្នាំ២០១៨​ ក្នុងផ្សារទំនើបអ៊ីអន១។ គោលបំណង​នៃកម្មវិធីនេះ​ដើម្បីផ្សព្វផ្សាយឲ្យកាន់តែ ទូលំទូលាយអំពីការចុះបញ្ជីយានយន្ត និងត្រួតពិនិត្យលក្ខណៈបច្ចេកទេស យានយន្តតាមប្រព័ន្ធស្វ័យប្រវត្តិកម្ម របស់ក្រសួងសាធារណការ និងជាពិសេសនឹងមានការ ផ្តល់ប្រឹក្សាយោបល់លើ សេវាសាធារណៈសម្រាប់ការចុះបញ្ជី និងត្រួតពិនិត្យលក្ខណៈបច្ចេកទេសយានយន្ត និងទទួលរៀបចំឯកសារ ដាក់ពាក្យស្នើសុំចុះបញ្ជីរថយន្តថ្មី ជូនប្រជាពលរដ្ឋនៅទីតាំង ផ្សព្វផ្សាយផ្ទាល់រយៈពេល ៣ថ្ងៃ ចាប់ពីថ្ងៃទី១៧ ដល់១៩ ខែធ្នូ ឆ្នាំ២០១៨ ៕