[Swift news daily] - មន្ត្រីរាជការ និងមន្ត្រីជាប់កិច្ចសន្យាក្រសួងសាធារណការ និងដឹកជញ្ជូនទទួលបានបណ្ណសមាជិក ប.ស.ស ដែលផ្តល់អត្ថប្រយោជន៍ក្នុងការទទួលបានសេវាពិនិត្យ និងព្យាបាលជំងឺដោយឥតគិតថ្លៃ
2018-12-05
Go to the website published Swift news daily
(ភ្នំពេញ)៖ នៅថ្ងៃ១៣រោច ខែកត្តិក ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី០៥ ខែធ្នូ ឆ្នាំ២០១៨ ក្រសួង សាធារណការ និងដឹកជញ្ជូន សហការជាមួយក្រសួងការងារ និងបណ្តុះបណ្តាលវិជ្ជាជីវៈ បាន រៀបចំពិធីផ្សព្វផ្សាយអំពីគោលនយោបាយនៃការអនុវត្តរបបសន្តិសុខសង្គម និងចែកប័ណ្ណសមាជិកបេឡាជាតិរបបសន្តិសុខសង្គមជូនដល់មន្ត្រីរាជការ និងមន្ត្រីកិច្ចសន្យានៃក្រសួងសាធារណការ និងដឹកជញ្ជូន។ពិធីនេះបានប្រព្រឹត្តទៅក្រោមអធិបតីភាព ឯកឧត្តម ប៉ាល់ ចន្ទតារា រដ្ឋលេខាធិការក្រសួងសាធារណការ និងដឹកជញ្ជូន តំណាងដ៏ខ្ពង់ខ្ពស់ឯកឧត្តមទេសរដ្ឋមន្ត្រី ចាន់ថុល និងឯកឧត្តម អ៊ុក សមវិទ្យា ប្រតិភូ រាជរដ្ឋាភិបាល ទទួលបន្ទុកជានាយកបេឡាជាតិរបបសន្តិសុខសង្គមដោយមានការចូលរួមពីថ្នាក់ដឹកនាំ មន្ត្រីរាជការមកពីតាមបណ្តាអង្គភាពក្រោមឱវាទក្រសួង និងក្រុមការងារនៃបេឡាជាតិរបបសន្តិសុខសង្គមប្រមាណ១៣០នាក់។
ពិធីនេះរៀបចំឡើងក្នុងគោលបំណងផ្សព្វផ្សាយលិខិតបទដ្ឋានគតិយុត្តសំខាន់ៗរបស់រាជរដ្ឋាភិបាលពាក់ព័ន្ធនឹងគោលនយោបាយរបបសន្តិសុខសង្គមផ្នែកថែទាំសុខភាពសម្រាប់មន្ត្រីសាធារណៈ អតីតមន្ត្រី រាជការ និងអតីតយុទ្ធជន ដែលមានចែងក្នុងអនុក្រឹត្យលេខ៥៩ អនក្រ.បក ចុះថ្ងៃទី០៨ ខែឧសភា ឆ្នាំ ២០១៨ និងការចែកបណ្ណសមាជិក ប.ស.ស ជូនមន្ត្រីរាជការ និងមន្ត្រីជាប់កិច្ចសន្យាក្រសួងដើម្បីងាយ ស្រួលទទួលបានសេវាពិនិត្យ និងព្យាបាលជំងឺដោយឥតគិតថ្លៃនៅគ្រប់មន្ទីរពេទ្យសាធារណៈ និងមន្ទីរ ពេទ្យឯកជនដែលបានចុះកិច្ចព្រមព្រៀងជាមួយប.ស.ស។
ឆ្លៀតក្នុងឱកាសនោះ ឯកឧត្តមរដ្ឋលេខាធិការ ប៉ាល់ ចន្ទតារា បានគូសបញ្ជាក់ថា៖ នេះគឺជាការយកចិត្ត ទុកដាក់គិតគូរជាទីបំផុតចំពោះមន្ត្រីរាជការ ការគាំទ្រគោលនយោបាយកំណែទម្រង់រដ្ឋបាលសាធារណៈ ពីសំណាក់រាជរដ្ឋាភិបាល ការចូលរួមអនុវត្តនូវយុទ្ធសាស្ត្រចតុកោណដំណាក់កាលទី៤ នីតិកាលទី៦នៃ រដ្ឋសភា ក៏ដូចជាជាការលើកទឹកចិត្តមួយដ៏ធំធេង និងផ្តល់ភាពកក់ក្តៅជូនដល់មន្ត្រីរាជការក្រសួងទាំងមូលផងដែរ៕
