ភ្នំពេញ៖ លោក ហែម គិរី អគ្គលេខាធិការ នៃសហព័ន្ធខ្មែរហែលទឹក តំណាងឲ្យលោក ទេសរដ្ឋមន្ត្រី ស៊ុន ចាន់ថុល ប្រធានសហព័ន្ធខ្មែរកីឡាហែលទឹក បានអញ្ជើញមកទទួលស្វាគមន៍ មេដាយប្រាក់ និងមេដាយសំរិទ្ធ នៃព្រឹត្តិការណ៍ការប្រកួត Sea Para game 2017 លើកទី៩ នៅទីក្រុងកូឡាឡាំពួរ ប្រទេសម៉ាឡេស៊ី នៅព្រឹកថ្ងៃទី២៤ ខែកញ្ញា ឆ្នាំ២០១៧ នាព្រលានយន្តហោះអន្តរជាតិភ្នំពេញ ។ លោក ហែម គិរី បានមានប្រសាសន៍ថា តំាងឲ្យលោក ទេសរដ្ឋមន្ត្រី ស៊ុន ចាន់ថុល ប្រធានសហព័ន្ធខ្មែរកីឡាហែលទឹក សូមចូលរួមអបអរសាទរ និងសប្បាយចិត្តយ៉ាងខ្លាំង ពេលដឹងលទ្ធផលដែលកីឡាករ ហែលទឹកជនពិការ ទទួលមេដាយប្រាក់ និងមេដាយសំរិទ្ធ ការប្រកួតខាងលើនេះ។ លោកបានប្រាប់ថា ចំពោះកីឡាករ-កីឡាការិនី ដែលអត់ទទួលបានមេដាយ លោកបានផ្តល់អនុសាសន៍ថា កីឡាករ-កីឡាការិនី ខិតខំប្រឹងប្រែងថែមទៀត កុំបាក់ទឹកចិត្តឡើយ យើងមិនមែនមានតែលើកនឹងទេ ព្រោះយើងមានការប្រកួត ច្រើនលើកច្រើនសាខា ងមុខទៀត។ ក្នុងនាមសហព័ន្ធនឹងខិតខំពង្រឹង និងជួយបន្ថែមផ្នែកបច្ចេកទេស ដល់កីឡាករ-កីឡាការិនី ហែលទឹកជនពិការរបស់យើង ។ លោកបានបន្តថា ក្នុងនោះនឹងរៀបចំការប្រកួត ជាពិសេសការប្រកួតវិញ្ញាសា ជនពិការកាន់តែបង្កើនចំនួនវិញ្ញាសា ប្រកួតឲ្យកាន់តែច្រើនឡើង បន្ទាប់មកយើងធ្វើ ការប្រកួតប្រចាំឆ្នាំ របស់សហព័ន្ធខ្មែរកីឡាហែលទឹក។ ក្រោយពីលឺដំណឹងកីឡាករ ហែលទឹកជនពិការ លោកបានសប្បាយចិត្ត និងមានមោទនភាព អត្តពលិកជនពិការទំាំងអស់ ជាសេស កីឡាករ-កីឡាការិនី ហែលទឹកជនពិការ របស់យើងតែម្តង ជាកស្តែងយើងបានដឹងហើយថា មុខអាណត្តិបោះឆ្នោតលោកប្រធានបានមានប្រសាសន៍ថាលោកចង់ កីឡាករ-កីឡាការិនី ហែលទឹកទទួលបានមេដាយ នាពេលនេះខាងកីឡាករ-កីឡាការិនីហែលទឹកជនពិការពិតជាទទួលមេដាយធ្វើបានមុន ដោយទទួលបានមេដាយ២គ្រឿង ។ ដូច្នេះវិស័យកីឡាហែលទឹក យើងមានការរីកចម្រើនជាងមុខ ខាងលើមុខយើងទទួលបាន មេដាយសំរិទ្ធនៃការប្រកួត នៅប្រទេសសឹង្ហបុរី ដោយលើកនេះ ទទួលមេដាយប្រាក់ និងសំរិទ្ធ យើងត្រូវបានមេដាយប្រាក់២គ្រឿង ប៉ុន្តែជាអកុសលគណៈកម្មការបច្ចេកទេសថា កីឡាករជនពិការកម្ពុជាមានកំហុស ទើបគណៈកម្មការមិនចាត់ទុកឲ្យមេដាយឡើយ ទោះបីដឹកនាំយើងខិតខំ តវ៉ាយ៉ាងណាក៏ដោយ ថែមទាំងជិតបានមេដាយមាស នេះបើតាមការរាយការណ៍ការប្រកួត ៕