កិច្ចប្រជុំស្តីពីវឌ្ឍនភាពការងារប្រចាំខែកញ្ញា និងទិសដៅការងារសម្រាប់ខែតុលា ឆ្នាំ២០២៥ របស់អគ្គនាយកដ្ឋានបច្ចេកទេស ទីស្តីការក្រសួង៖ នាថ្ងៃពុធ ទី១ ខែតុលា ឆ្នាំ២០២៥ ឯកឧត្តម យិត បុណ្ណា រដ្ឋលេខាធិការ ក្រសួងសាធារណការ និងដឹកជញ្ជូន បានអញ្ជើញដឹកនាំកិច្ចប្រជុំស្តីពីវឌ្ឍនភាពការងារប្រចាំខែកញ្ញា និងទិសដៅការងារសម្រាប់ខែតុលា ឆ្នាំ២០២៥ របស់អគ្គនាយកដ្ឋានបច្ចេកទេស ដោយមានការអញ្ជើញចូលរួមពី ឯកឧត្តមអនុរដ្ឋលេខាធិការ ឯកឧត្តមទីប្រឹក្សាក្រសួង ឯកឧត្តមអគ្គនាយក នៃអគ្គនាយកដ្ឋានបច្ចេកទេស លោកអគ្គនាយករងបច្ចេកទេស លោកប្រធាននាយកដ្ឋានក្រោមឱវាទអគ្គនាយកដ្ឋាន ព្រមទាំងមន្ត្រីជំនាញពាក់ព័ន្ធជាច្រើនរូបផងដែរ។ កិច្ចប្រជុំនេះត្រូវបានរៀបចំឡើង ដើម្បីពិនិត្យនូវផែនការសកម្មភាពការងារដែលអគ្គនាយកដ្ឋានត្រូវបន្តអនុវត្ត ជាមួយនឹងការពិនិត្យលើលទ្ធផលការងារដែលសម្រេចបាននៅក្នុងខែកញ្ញា ឆ្នាំ២០២៥។ ទន្ទឹមនឹងលទ្ធផលការងារដែលសម្រេចបាន កិច្ចប្រជុំក៏បានពិនិត្យលើបញ្ហាប្រឈមនានាលើការអនុវត្តការងារកន្លងមក ដើម្បីស្វែងរកដំណោះស្រាយ ព្រមទាំងត្រៀមអនុវត្តផែនការសកម្មភាពសម្រាប់ខែតុលា ឆ្នាំ២០២៥ សំដៅធ្វើយ៉ាងណាឱ្យការងារកំពុងអនុវត្ត និងត្រៀមអនុវត្តកាន់តែមានប្រសិទ្ធភាព ស្របទៅតាមផែនការសកម្មភាពប្រចាំឆ្នាំរបស់អគ្គនាយកដ្ឋាន៕