ជំនួបពិភាក្សាការងាររវាងថ្នាក់ដឹកនាំវិទ្យាស្ថានតេជោសែន សាធារណការ និងដឹកជញ្ជូន ជាមួយថ្នាក់ដឹកនាំ និងសហការី ក្រុមហ៊ុន RMA Group លើការបន្តកិច្ចសហប្រតិបត្តិការផ្នែកបណ្តុះបណ្តាល និងអប់រំ ទីស្តីការក្រសួង៖ នាថ្ងៃអង្គារ ទី១៦ ខែកញ្ញា ឆ្នាំ២០២៥ ឯកឧត្តម ប្រាងហង្ស សេរីរិទ្ធ នាយកវិទ្យាស្ថាន បានអញ្ជើញជួបពិភាក្សាការងារជាមួយ លោក ងន សាំង អគ្គនាយកក្រុមហ៊ុន RMA Group ដើម្បីពិភាក្សាលើការងារបន្តកិច្ចសហប្រតិបត្តិការ លើផ្នែកបណ្តុះបណ្តាលបច្ចេកទេស និងអប់រំ ជូននិស្សិតវិទ្យាស្ថាន និងមន្ត្រីរាជការ ដោយមានការអញ្ជើញចូលរួមពី លោកនាយករងវិទ្យាស្ថាន លោក លោកស្រីជាថ្នាក់ដឹកនាំវិទ្យាស្ថាន ព្រមទាំង លោក លោកស្រី នាងកញ្ញា ជាក្រុមការងារក្រុមហ៊ុន RMA Group។ ជាលទ្ធផល កិច្ចប្រជុំបានសម្រេចនូវការឯកភាពគ្នា នឹងបន្តចូលរួមសហការពង្រីកវិសាលភាពលើការងារបណ្តុះបណ្តាល ការពិនិត្យឡើងវិញនូវការងារមជ្ឍមណ្ឌលបណ្តុះបណ្តាល TSI-Ford និងការបន្តកិច្ចសហការពិនិត្យលទ្ធភាពបញ្ជូននិស្សិតវិទ្យាស្ថានទៅចុះកម្មសិក្សា និងស្វែងរកការងារជូនផងដែរនៅក្នុងក្រុមហ៊ុនផ្ទាល់៕