ថ្នាក់ដឹកនាំវិទ្យាស្ថានតេជោសែនសាធារណការ និងដឹកជញ្ជូនជួបសំណេះសំណាលជាមួយនិស្សិតឆ្នាំសិក្សាថ្មីទាំង៥ជំនាន់ ទីស្តីការក្រសួង៖ ថ្ងៃទី១៧ ខែមិថុនា ឆ្នាំ២០២៥ ឯកឧត្ដម ប្រាងហង្ស សេរីរិទ្ធ នាយកវិទ្យាស្ថានតេជោសែន សាធារណការ និងដឹកជញ្ជូន បានអញ្ចើញជាអធិបតីភាព ក្នុងពិធីជួបសំណេះសំណាលជាមួយនិស្សិតឆ្នាំសិក្សាថ្មីទាំង៥ជំនាន់ដោយមានការអញ្ជើញចូលពី ថ្នាក់ដឹកនាំវិទ្យាស្ថាន បុគ្គលិក និងនិស្សិតវិទ្យាស្ថានសរុបចំនួន ២៥០នាក់។ ក្នុងឱកាសនេះផងដែរ វិទ្យាស្ថានបានផ្សព្វផ្សាយពីបទបញ្ជាផ្ទៃក្នុង ក្នុងគោលដៅពង្រឹងវិន័យដល់និស្សិត ព្រមទាំងចែកវិញ្ញាបនបត្រSTCW ប័ណ្ណសរសើរ និងលិខិតថ្លែងអំណរគុណ ដូចខាងក្រោម៖ - ចែកលិខិតថ្លែងអំណរគុណជូនដល់និស្សិតសកម្ម ដែលតែងតែចូលរួមផលិតមាតិកាផ្សព្វផ្សាយពីជំនាញវិទ្យាស្ថាន (ដូចជា៖ ការផលិតវីដេអូ, ការបង្កើត Podcast, កិច្ចសម្ភាសន៍ ជាដើម) និងការធ្វើជាពិធីការនី (MC) ក្នុងកម្មវិធីនានា របស់វិទ្យាស្ថាន - ចែកវិញ្ញាបនបត្រ International Convention on Standards of Training, Certification and Watchkeeping for Seafarers (STCW) ជូនដល់និស្សិតឯកទេសនាវាចរណ៍ ជំនាន់ទី២ និងជំនាន់ទី៣ ដែលបានបញ្ចប់វគ្គបណ្ដុះបណ្ដាល STCW នៅប្រទេសវៀតណាម ក្នុងពេលកន្លងមក -ចែកប័ណ្ណសរសើរ ដល់និស្សិតជ័យលាភី ចំណាត់ថ្នាក់ លេខ១ លេខ២ និងលេខ៣ ដែលជានិស្សិតឆ្នើមប្រចាំឆ្នាំសិក្សា ២០២៣-២០២៤ ថ្លែងក្នុងអង្គពិធី ឯកឧត្តមនាយកបានលើកយកយុទ្ធសាស្ត្របញ្ចកោណ-ដំណាក់កាលទី១ របស់រាជរដ្ឋាភិបាលនីតិកាលទី៧ នៃរដ្ឋសភា ដែលបានកំណត់អាទិភាពគន្លឹះ “ការអភិវឌ្ឍមូលធនមនុស្ស” ក្នុងចំណោម អាទិភាពគន្លឹះចំនួន៥ ហើយក៏ជាលក្ខខណ្ឌចាំបាច់មិនអាចខ្វះបានសម្រាប់ជំរុញកំណើនសេដ្ឋកិច្ចប្រកបដោយភាពធន់ និងបរិយាបន្ន។ ជាមួយគ្នានេះដែរ ឯកឧត្តមនាយក បានជំរុញ និងលើកទឹកចិត្តដល់និស្សិតគ្រប់ជំនាន់ឱ្យខិតខំប្រែងសិក្សារៀនសូត្រ ជាការឆ្លើយតបទៅនឹងការខិតខំប្រឹងប្រែងរបស់ប្រមុខរដ្ឋាភិបាល ព្រោះជំនាញសិក្សានៅវិទ្យាស្ថាន សុទ្ធតែជាជំនាញប្រកបដោយសក្តានុពលសមស្របនឹងកាលៈទេសៈបរិបទកម្ពុជា នាពេលបច្ចុប្បន្ន។ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube