ក្រុមការងារក្រសួង និងអាជ្ញាធរខេត្តចុះពិនិត្យទីតាំងស្នើសុំសាងសង់ស្ថានីយជញ្ជីងអចល័តចំនួន៣ទីតាំង ក្នុងភូមិសាស្រ្តខេត្តឧត្តរមានជ័យ រតនគិរី និងមណ្ឌលគិរី ឧត្តរមានជ័យ រតនគិរី និងមណ្ឌលគិរី៖ នាថ្ងៃពុធ-ព្រហស្បតិ៍ ទី២១-២២ ខែឧសភា ឆ្នាំ២០២៥ ឯកឧត្តម សេង ឈួន រដ្ឋលេខាធិការក្រសួងសាធារណការ និងដឹកជញ្ជូន និងជាប្រធានគណៈកម្មាធិការសម្របសម្រួលអចិន្រ្តៃយ៍ បានដឹកនាំគណៈប្រតិភូ និងមានការអញ្ជើញចូលរួមពីអាជ្ញាធរដែនដីគ្រប់លំដាប់ថ្នាក់(ភូមិ ឃុំ ស្រុក ខេត្ត) កងកម្លាំងសមត្ថកិច្ចមូលដ្ឋាន អនុប្រធានមន្ទីរសាធារណការ និងដឹកជញ្ជូនខេត្តឧត្តរមានជ័យ រតនគិរី និងមណ្ឌលគិរី ព្រមទាំងមន្រ្តីជំនាញពាក់ព័ន្ធជាច្រើនរូបទៀត ចុះពិនិត្យទីតាំងស្នើសុំសាងសង់ស្ថានីយជញ្ជីងអចល័តចំនួន៣ទីតាំង ក្នុងភូមិសាស្រ្តខេត្តឧត្តរមានជ័យ ខេត្តរតនគិរី និងខេត្តមណ្ឌលគិរី រួមមានទីតាំងទី១-ស្ថិតនៅតាមបណ្តោយផ្លូវជាតិលេខ៦៨ ចន្លោះគ.មលេខ៩៣ ដល់គ.មលេខ៩៤ ក្នុងភូមិគីរីវ័ន្ត សង្កាត់កូនគ្រៀល ក្រុងសំរោង ខេត្តឧត្តរមានជ័យ ទីតាំងទី២-ស្ថិតនៅតាមបណ្តោយផ្លូវជាតិលេខ៧៨ ចន្លោះគ.មលេខ១៨៣ដល់គ.មលេខ១៨៤ ក្នុងភូមិប៉ក់ ឃុំប៉ក់ញ៉ៃ ស្រុកអូរយ៉ាដាវ ខេត្តរតនគិរី និងទីតាំងទី៣-ស្ថិតនៅតាមបណ្តោយផ្លូវជាតិលេខ៧៦ ចន្លោះគ.មលេខ៧៤ ដល់គ.មលេខ៧៥ ក្នុងភូមិអូរអាម ឃុំស្រែខ្ទុម ស្រុកកែវសីមា ខេត្តមណ្ឌលគិរី។ ជាលទ្ធផល ក្រុមការងារទាំងមូល បានពិនិត្យទីតាំងជាក់ស្តែងឃើញថាទីតាំងក្នុងខេត្តឧត្តរមានជ័យ និងខេត្តរតនគិរី មានលក្ខណៈសមស្រប ដោយឡែកទីតាំងក្នុងខេត្តមណ្ឌលគិរី មានសណ្ឋានផ្លូវឡើងចុះទួល និងកាច់កុងពុំអាចសាងសង់ស្ថានីយជញ្ជីងបាន ហេតុនេះក្រុមការងារបានទៅពិនិត្យទីតាំងថ្មី ស្ថិតនៅលើផ្លូវដដែល ចន្លោះគ.មលេខ៧៣ ដល់គ.មលេខ៧៤ ក្នុងភូមិអូរណា ឃុំស្រែខ្ទុម ស្រុកកែវសីមា មានលក្ខណៈសមស្របជាងទីតាំងដែលបានស្នើសុំ និងគោរពរាយការណ៍ជូន ឯកឧត្តមរដ្ឋមន្រ្តី ដើម្បីពិនិត្យនិងសម្រេច៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube