កិច្ចប្រជុំ ស្តីពីការបង្ហាញលទ្ធផលសិក្សាកំណត់តំបន់កំពង់ផែ (Port Zoning) ក្រោមគម្រោងធ្វើឱ្យប្រសើរឡើងសមត្ថភាពរដ្ឋបាលកំពង់ផែ នៃព្រះរាជាណាចក្រកម្ពុជា ជាមួយនឹងជំនាញការបច្ចេកទេសនៃទីភ្នាក់ងារសហប្រតិបត្តិការជប៉ុន (JICA) ទីស្ដីការក្រសួង៖ នាថ្ងៃសុក្រ ទី២៣ ខែឧសភា ឆ្នាំ២០២៥ ឯកឧត្តម ហេង សុធី អគ្គនាយក នៃអគ្គនាយកដ្ឋានដឹកជញ្ជូនផ្លូវទឹក ផ្លូវសមុទ្រ និងកំពង់ផែ បានអញ្ជើញដឹកនាំកិច្ចប្រជុំ ស្តីពីការបង្ហាញលទ្ធផលសិក្សាកំណត់តំបន់កំពង់ផែ (Port Zoning) ក្រោមគម្រោងធ្វើឱ្យប្រសើរឡើងសមត្ថភាពរដ្ឋបាលកំពង់ផែ នៃព្រះរាជាណាចក្រកម្ពុជា ជាមួយនឹងជំនាញការបច្ចេកទេសនៃទីភ្នាក់ងារសហប្រតិបត្តិការជប៉ុន (JICA) ដោយមានការចូលរួមពី លោកអគ្គនាយករង លោកប្រធាន-អនុប្រធាននាយកដ្ឋាន ប្រធានការិយាល័យ និងមន្ត្រីជំនាញពាក់ព័ន្ធ។ កិច្ចប្រជុំនេះធ្វើឡើងក្នុងគោលបំណងដើម្បីបន្តពិភាក្សាលើវឌ្ឍនភាពនៃការសិក្សា កំណត់តំបន់កំពង់ផែ(Progress port zoning) ក្នុងព្រះរាជាណាចក្រកម្ពុជា មុននឹងធ្វើការបង្ហាញលទ្ធផលនៃការសិក្សានៅក្នុងសិក្ខាសាលា ស្ដីពីការពិនិត្យ និងការផ្ដល់យោបល់នៃការសិក្សាកំណត់តំបន់កំពង់ផែ ដែលនឹងប្រព្រឹត្តទៅនៅថ្ងៃទី២៩ ខែឧសភា ឆ្នាំ២០២៥ ជាមួយក្រសួង-ស្ថាប័នពាក់ព័ន្ធ នៅក្នុងវិស័យដឹកជញ្ជូនតាមផ្លូវទឹកផងដែរ៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube