គណៈកម្មាធិការសម្របសម្រួលអចិន្ត្រៃយ៍នៃ គណៈកម្មាធិការដឹកនាំការត្រួតពិនិត្យយានយន្តដឹកជញ្ជូនលើសទម្ងន់កម្រិត (គ.ត.ល.ទ) ចុះត្រួតពិនិត្យការរឹតបន្តឹងការអនុវត្តច្បាប់លើយានយន្តដឹកជញ្ជូនលើសទម្ងន់កម្រិតកំណត់ និងប្រកាសផ្លាស់ប្តូរមន្រ្តីនៅតាមស្ថានីយថ្លឹងយានយន្តមួយចំនួន នៅថ្ងៃទី២៣-២៤ ខែមេសា ឆ្នាំ២០២៥ ឯកឧត្តម សេង ឈួន រដ្ឋលេខាធិការ ក្រសួងសាធារណការ និងដឹកជញ្ជូន និងជាប្រធានគណៈកម្មាធិការសម្របសម្រួលអចិន្ត្រៃយ៍ នៃ គ.ត.ល.ទ អមដំណើរដោយ ឯកឧត្តម គឹម សាន់ អនុរដ្ឋលេខាធិការ ឯកឧត្តម ម៉ី ម៉ារ៉ាឌី អនុរដ្ឋលេខាធិការ លោក តាំង ពៅ ប្រធានលេខាធិការដ្ឋាននៃគណៈកម្មាធិការសម្របសម្រួលអចិន្ត្រៃយ៍ បានដឹកនាំគណៈប្រតិភូ ចុះត្រួតពិនិត្យការរឹតបន្តឹងលើការអនុវត្តច្បាប់លើយានយន្តដឹកជញ្ជូនលើសទម្ងន់កម្រិតកំណត់ និងបានណែនាំដល់មន្ត្រីស្ថានីយទាំងអស់ ត្រូវខិតខំពង្រឹងការអនុវត្តច្បាប់ឱ្យបានត្រឹមត្រូវ ស្របតាមបទបញ្ញត្តិនៃច្បាប់ស្តីពីផ្លូវថ្នល់។ ទន្ទឹមនេះក៏បានប្រកាសផ្លាស់ប្តូរមន្រ្តីបច្ចេកទេសក្រសួងសាធារណការ និងដឹកជញ្ជូន ប្រចាំការនៅតាមស្ថានីយចំនួន ០២គឺ ស្ថានីយជញ្ជីងអចល័តលង្វែក ខេត្តកំពង់ឆ្នាំង និងស្ថានីយព្រែកហូរ រាជធានីភ្នំពេញ ផងដែរ៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube