ឈ្វេងយល់ពីសមិទ្ធផលគម្រោងកំណាត់ផ្លូវជាតិលេខ៧៨ ពីក្រុងបានលុង ទៅព្រំប្រទល់ខេត្តស្ទឹងត្រែង ខ្សែផ្លូវជាតិលេខ៧៨ មានប្រវែង ៥៦,១២គីឡូម៉ែត្រ ទទឹង១១ម៉ែត្រ មានចំណុចចាប់ផ្ដើមត្រង់គ.ម ៦៥+០៨០ (ព្រំប្រទល់ ខេត្តស្ទឹងត្រែង និង ខេត្តរតនគិរី) ស្ថិតនៅភូមិ៣ ឃុំស្រែអង្គ្រង ស្រុកកូនមុំ ខេត្តរតនគិរី និងចំណុចបញ្ចប់ត្រង់គ.ម ១២១+២០០ (វត្តភ្នំស្វាយ) ស្ថិតនៅសង្កាត់បឹងកន្សែង ក្រុងបានលុង ជាប្រភេទផ្លូវកម្រាលកៅស៊ូ DBST។ សមិទ្ធផលនេះផ្តល់អត្ថប្រយោជន៍យ៉ាងធំធេងដល់សេដ្ឋកិច្ចជាតិ និងសេដ្ឋកិច្ចគ្រួសារ តាមរយៈការសម្រួលដល់ការធ្វើដំណើររបស់បងប្អូនប្រជាពលរដ្ឋ ភ្ញៀវទេសចរ និងការដឹកជញ្ជូនទំនិញ ឬកសិផលគ្រប់ប្រភេទ៕