កិច្ចប្រជុំស្តីពី ការកំណត់បន្ទាត់មូលដ្ឋាន និងចំណុចដៅនៃសូចនាករសមិទ្ធកម្មគន្លឹះ សម្រាប់ក្របខ័ណ្ឌតាមដាន ត្រួតពិនិត្យ និងវាយតម្លៃការអនុវត្តយុទ្ធសាស្ត្របញ្ចកោណ ដំណាក់កាលទី១ ទីស្តីការគណ:រដ្ឋមន្រ្តី៖ នាថ្ងៃពុធ ទី១៩ ខែកុម្ភ: ឆ្នាំ២០២៥ ឯកឧត្តម ហេង ណន រដ្ឋលេខាធិការ ក្រសួងសាធារណការ និងដឹកជញ្ជូន បានដឹកនាំគណ:ប្រតិភូក្រសួងសាធារណការ និងដឹកជញ្ជូន រួមមាន ឯកឧត្តម ឈៀង ពេជ្រ អនុរដ្ឋលេខាធិការ លោកជំទាវ សន សុភាវត្តី អគ្គនាយកភស្តុភារកម្ម និងមន្ត្រីជំនាញនៃអគ្គនាយកដ្ឋានភស្តុភារកម្ម ដើម្បីចូលរួម «កិច្ចប្រជុំស្តីពី ការកំណត់បន្ទាត់មូលដ្ឋាន និងចំណុចដៅ នៃសូចនាករសមិទ្ធកម្មគន្លឹះ សម្រាប់ក្របខ័ណ្ឌតាមដាន ត្រួតពិនិត្យ និងវាយតម្លៃការអនុវត្តយុទ្ធសាស្ត្របញ្ចកោណ ដំណាក់កាលទី១» ដឹកនាំដោយ ឯកឧត្តម ឈាង វណ្ណារិទ្ធ រដ្ឋលេខាធិការ នៃទីស្តីការគណ:រដ្ឋមន្រ្តី។ កិច្ចប្រជុំបានផ្តោតទៅលើការពិភាក្សាលើសូចនាករសមិទ្ធកម្មគន្លឹះមួយចំនួន ដែលពាក់ព័ន្ធនឹងក្រសួង/ស្ថាប័ន ចំនួន១១ ដើម្បីពិនិត្យជំហរ និងមូលដ្ឋានរបស់ស្ថាប័នទទួលបន្ទុក ក្នុងការកំណត់បន្ទាត់មូលដ្ឋាន និងចំណុចដៅ ដែលនៅក្នុងនោះក៏មានពិន្ទុនៃសន្ទស្សន៍ប្រតិបត្តិការភស្តុភារកម្ម (LPI) ជាសូចនាករគន្លឹះ។ ការកំណត់បន្ទាត់មូលដ្ឋាននៃសូចនាករ «ពិន្ទុនៃសន្ទស្សន៍ប្រតិបត្តិការភស្តុភារកម្ម (LPI)» នឹងត្រូវរៀបចំក្រោយការចេញផ្សាយវិធីសាស្ត្រគណនា LPI ថ្មី នាខែមេសា ឆ្នាំ២០២៥ ខាងមុខ ហើយនឹងមានការសហការបណ្តុះបណ្តាលពី World Bank ផ្ទាល់ដល់មន្ត្រីជំនាញ មុននឹងឈានដល់ការកំណត់ចំណុចដៅនាពេលអនាគត៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube