គំនូសចរាចរណ៍ត្រូវបានគូសឡើងវិញជាបន្តបន្ទាប់ ដើម្បីសម្រួលការធ្វើដំណើររបស់បងប្អូនជាប្រជាពលរដ្ឋ ឆ្លើយតបទៅមតិយោបល់ គណនីហ្វេសប៊ុក “ជេដ្ឋា សុខដុម” បានលើកឡើងក្នុងទំព័រហ្វេសប៊ុកសម្តេចធិបតីនាយករដ្ឋមន្ត្រី ដែលមានខ្លឹមសារ “សម្តេចជាទីគោរព ផ្លូវជាតិលេខ៦A សៀមរាប កំពង់ធំ រលុបគំនូសផ្លូវ ស្ទើរទាំងស្រុង ងាយបង្កហានិភ័យក្នុងការបើកបរ” ក្រសួងសាធារណការ និងដឹកជញ្ជូន មានកិត្តិយសសូមជម្រាបជូនសាធារណជន មេត្តាជ្រាបថា៖ ក្រសួង បានយកចិត្តទុកដាក់ប្រឹងប្រែងធ្វើឱ្យប្រសើរឡើងវិញ នៅការគូសគំនូសត្រង់ចំនុចដែលរលុបមើលមិនឃើញនៅចំនុចអាទិភាពសំខាន់ៗ ពីចំនុចផ្លូវជាតិលេខ 6A រហូតដល់ កំពង់ធំ សៀមរាប និងខេត្តកំពង់ចាម ដោយកំពុងធ្វើតាមដំណាក់កាល ក្នុងកម្មវិធីថែទាំផ្លូវជាប្រចាំ។ ការធ្វើឱ្យប្រសើរឡើងវិញគំនូសដែលរលុបលើផ្លូវជាតិ ៦ នៅត្រង់ចំនុចអាទិភាពនេះ ក្រសួងគ្រោងនឹងធ្វើនៅឆ្នាំ២០២៥ មានដូចជា ខេត្តកំពង់ធំគ្រោងប្រវែង៤០គីឡូម៉ែត្រ បរិមាណ៤២០០ ម៉ែត្រការ៉េ ខេត្តសៀមរាប ប្រវែង២០គីឡូម៉ែត្រ បរិមាណ២២៥០ម៉ែត្រការ៉េ ខេត្តកំពង់ចាម ប្រវែង៤០គីឡូម៉ែត្រ បរិមាណ៤៥០០ម៉ែត្រការ៉េ និងប្រវែង២២,៤៥ គីឡូម៉ែត្រ បរិមាណ២៣៥៨ ម៉ែត្រការ៉េ៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/MPWT.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube