គម្រោង”ជំរុញការប្រើប្រាស់យានយន្តអគ្គិសនី នៅក្នុងវិស័យដឹកជញ្ជូនប្រកបដោយនិរន្តរភាព” ("Promotion of electric motorbike adoption for a sustainable transport sector”) រាជរដ្ឋាភិបាលកម្ពុជាបានដាក់ការតាំងចិត្តខ្ពស់ ចំពោះការបញ្ជាបការប្រើប្រាស់រថយន្តអគ្គិសនីឱ្យបានរហូតដល់ ៣៥% រថយន្តក្រុងអគ្គិសនីរហូតដល់ ៤០% និងម៉ូតូអគ្គិសនីរហូតដល់ ៧០% នៅក្នុងប្រទេសកម្ពុជានៅត្រឹមឆ្នាំ ២០៥០។ ក្នុងន័យនេះ ការអនុវត្តគម្រោង ”ជំរុញការប្រើប្រាស់យានយន្តអគ្គិសនី នៅក្នុងវិស័យដឹកជញ្ជូនប្រកបដោយនិរន្តរភាព” ដោយមានការសហការជាមួយវិទ្យាស្ថានអភិវឌ្ឍន៍បៃតងសកល (Global Green Growth Institute-GGGI) ក៏ជាផ្នែកមួយដ៏សំខាន់ក្នុងការសម្រេចឱ្យបាននូវការភ្ជាប់ការប្រើប្រាស់ម៉ូតូអគ្គិសនីឱ្យបានរហូតដល់ ៧០% នៅក្នុងប្រទេសកម្ពុជានៅត្រឹមឆ្នាំ២០៥០ តាមរយៈការផ្សព្វផ្សាយ និងជំរុញឱ្យមានការប្រើប្រាស់ទាំងក្នុងផ្នែករដ្ឋ និងផ្នែកឯកជន៕