ការចុះពិនិត្យបរិវេណជុំវិញទីតាំងឡើង-ចុះស្ពាន គម្រោងសាងសង់ស្ពានមិត្តភាពកម្ពុជា-កូរ៉េ ប៉ែកខាងភ្នំពេញ រាជធានីភ្នំពេញ៖ នាព្រឹកថ្ងៃទី១៣ ខែធ្នូ ឆ្នាំ២០២៤ ឯកឧត្តម សូរ វ៉ិចទ័រ រដ្ឋលេខាធិការ ក្រសួងសាធារណការ និងដឹកជញ្ជូន និងជាប្រធានសម្របសម្រួលគម្រោង បានដឹកនាំក្រុមការងារបច្ចេកទេស ចុះពិនិត្យទីតាំងឡើង-ចុះស្ពានមិត្តភាពកម្ពុជា-កូរ៉េ បរិវេណជុំវិញទីតាំងប៉ែកខាងភ្នំពេញ ដោយមានការចូលរួម ថ្នាក់ដឹកនាំក្រសួង អាជ្ញាធរមូលដ្ឋាន តំណាងមូលនិធិសហប្រតិបត្តិការអភិវឌ្ឍន៍សេដ្ឋកិច្ច នៃរដ្ឋាភិបាលសាធារណរដ្ឋកូរ៉េ (EDCF) តំណាងអគ្គនាយកដ្ឋានដោះស្រាយហេតុប៉ះពាល់ដោយសារគម្រោងអភិវឌ្ឍន៍ តំណាងក្រុមហ៊ុនទីប្រឹក្សាបច្ចេកទេស និងមន្ត្រីបច្ចេកទេស ជាច្រើនរូបទៀត។ ការចុះពិនិត្យទីតាំងនេះធ្វើឡើង ក្នុងគោលបំណងពិនិត្យមើលហេតុប៉ះពាល់ ដែលមានឥទ្ធិពលដល់ការអនុវត្តគម្រោង និងលំហូរចរាចរណ៍ ត្រង់ចំណុចឡើង-ចុះស្ពាន ដើម្បីឈានទៅរកដំណោះស្រាយក្នុងការរចនាប្លង់ស្ពាន ដែលផ្តល់នូវលំហូរចរាចរណ៍យ៉ាងរលូននៅពេលស្ពានបើកឱ្យប្រើប្រាស់៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube