- គន្លងផ្លូវសម្រាប់ចរាចរណ៍ធម្មតា៖ អ្នកបើកបរយានយន្តគ្រប់ប្រភេទ ត្រូវបើកបរតាមគន្លងផ្លូវខាងស្តាំនៃផ្លូវល្បឿនលឿនដែលជាគន្លងផ្លូវសម្រាប់ចរាចរណ៍ធម្មតា - គន្លងផ្លូវសម្រាប់ជែង៖ ក្នុងករណីសុំជែង អ្នកបើកបរយានយន្តត្រូវឱ្យសញ្ញាប្តូរទិសខាងឆ្វេង ហើយត្រូវងាកទៅគន្លងផ្លូវខាងឆ្វេងនៃផ្លូវល្បឿនលឿន ដែលជាគន្លងផ្លូវសម្រាប់វ៉ាជែង។ នៅពេលជែងផុត អ្នកបើកបរត្រូវឱ្យសញ្ញាប្តូរទិសខាងស្តាំ ដើម្បីងាកចូលគន្លងផ្លូវសម្រាប់ធ្វើចរាចរណ៍ធម្មតាវិញ។ក្នុងករណីចរាចរណ៍មមាញឹក អ្នកបើកបរយានយន្ត អាចប្រើប្រាស់គន្លងផ្លូវទាំង២បាន ដោយឡែក រថយន្តធុនធ្ងន់ត្រូវប្រកាន់យកគន្លងផ្លូវសម្រាប់រថយន្តខាងស្តាំដដែល។ក្នុងករណីនេះយានយន្ត នៅតាមគន្លងផ្លូវណាមួយបើកបរលឿនជាងមិនចាត់ទុកជាការជែងឡើយ ហើយរថយន្តដែលនៅស្ថិតនៅក្រោយគេត្រូវប្រើភ្លើងសញ្ញាអាសន្នជាដំណឹង - គន្លងផ្លូវសម្រាប់ឈប់បន្ទាន់៖ មិនត្រូវបានអនុញ្ញាតឱ្យរថយន្តទូទៅប្រើប្រាស់ឡើយ លើកលែងតែរថយន្តពន្លត់អគ្គីភ័យ រថយន្តសង្រ្គោះរបស់មន្ទីរពេទ្យ រថយន្តនគរបាល យោធា កងរាជអាវុធហត្ថ ដែលកំពុងបំពេញភារកិច្ច និងយានយន្តដែលខូច ឬមានគ្រោះថ្នាក់ចរាចរណ៍ ឬករណីមានអាសន្ន។សូមបងប្អូនទាំងអស់គ្នាចូលរួមគោរពតាមការណែនាំទាំងអស់គ្នា ដេីម្បីការពារសុខសុវត្ថិភាពនិងបញ្ចៀសគ្រោះថ្នាក់ ដែលនាំឱ្យខាតបង់ទ្រព្យសម្បត្តិ ក៏ដូចជាអាយុជីវិតយេីង នឹងអ្នកដទៃ ។ សម្រាប់ព័ត៌មានផ្សេងៗសូមទំនាក់ទំនងមកកាន់ៈ 1399 / 092 33 1399 /098 33 1399សម្រាប់ព័ត៌មានទូទៅៈ 1@超级粉丝opfans #all