កិច្ចប្រជុំស្ដីពី "បេសកកម្មគាំទ្រការអនុវត្តលើកទី១១ នៃគម្រោងជំរុញការផ្គត់ផ្គង់ទឹកស្អាត និងអនាម័យ (WASAC) និងគម្រោងលើកកម្ពស់ការផ្គត់ផ្គង់ទឹកស្អាត និងអនាម័យ (WASSIP) នាថ្ងៃចន្ទ ទី១៤ ខែតុលា ឆ្នាំ២០២៤ ឯកឧត្តម រស់ វណ្ណា រដ្ឋលេខាធិការក្រសួងសាធារណការ និងដឹកជញ្ជូន បានអញ្ជើញដឹកនាំក្រុមការងារអនុវត្តគម្រោង ចូលរួមកិច្ចប្រជុំស្ដីអំពី "បេសកកម្មគាំទ្រការអនុវត្តលើកទី១១ នៃគម្រោងជំរុញការផ្គត់ផ្គង់ទឹកស្អាត និងអនាម័យ (WASAC) និងគម្រោងលើកកម្ពស់ការផ្គត់ផ្គង់ទឹកស្អាត និងអនាម័យ (WASSIP) ដែលប្រព្រឹត្តទៅចាប់ពីថ្ងៃទី១៤-២៥ ខែតុលា ឆ្នាំ២០២៤" របស់ក្រុមការងារធនាគារពិភពលោក(World Bank)។ កិច្ចប្រជុំនេះមានការអញ្ជើញចូលរួមពី ឯកឧត្តម ស៊ឹម ស៊ីថា រដ្ឋលេខាធិការក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ និងក្រុមការងារ ឯកឧត្តមអនុរដ្ឋលេខាធិការ និងសមាជិកអង្គភាពគ្រប់គ្រងសមាសភាគគម្រោងនៃក្រសួងសាធារណការ និងដឹកជញ្ជូន តំណាងក្រសួងសេដ្ឋកិច្ច និងហិរញ្ញវត្ថុ និងក្រុមការងារធនាគារពិភពលោក និងភាគីពាក់ព័ន្ធផងដែរ។ គោលបំណងនៃកិច្ចប្រជុំនេះគឺ ដើម្បីរៀបចំធ្វើបទបង្ហាញ និងវាយតម្លៃអំពីវឌ្ឍនភាពការងារអនុវត្តគម្រោងដែលបានធ្វើឡើងចាប់តាំងពីក្នុងខែមីនា ឆ្នាំ 2024 និងពិភាក្សាអំពីសកម្មភាពសំខាន់ៗដែលត្រូវការជាចាំបាច់សម្រាប់ការពន្លឿនការអនុវត្ត និងការកែលម្អរការអនុវត្តគម្រោងទាំង២ខាងលើ ដើម្បីឆ្ពោះទៅរកការសម្រេចបាននូវលទ្ធផលល្អប្រសើរ៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube