ភ្នំពេញ ថ្ងៃទី១០ ខែតុលា ឆ្នាំ២០២៤ -- នៅព្រឹកថ្ងៃទី១០ ខែតុលា ឆ្នាំ២០២៤នេះ ឯកឧត្តម ឃួង ស្រេង បានដឹកនាំមន្ត្រីជំនាញ និងអាជ្ញាធរខណ្ឌចុះពិនិត្យស្ថានភាពទឹកលិច និងការស្ថាបនាជញ្ជាំងប្រឡាយ បេតុង(បុកស៊ីផាយ) នៅក្នុងមូលដ្ឋានខណ្ឌចំនួន៤រួមមាន ខណ្ឌពោធិសែនជ័យ, ខណ្ឌសែនសុខ, ខណ្ឌមានជ័យ និងខណ្ឌដង្កោ ដើម្បីដោះស្រាយការលិចល ង់ដោយ ជំនន់ទឹកភ្លៀងជូនប្រជាពលរដ្ឋភ្លាមៗផងដែរ។ឯកឧត្តម ឃួង ស្រេង បានមានប្រសាសន៍ថា៖ ក្នុងនាមជាអាណាព្យា បាលប្រជាពលរដ្ឋ យើងតែងតែគិតគូរអំពីសុខទុក្ខរបស់ពួកគាត់។ ប៉ុន្មានថ្ងៃកន្លងមកនេះ ខណៈដែលឯកឧត្ដមដឹកនាំប្រតិភូទៅបំពេញបេសកម្មនៅប្រទេសបារាំង ឯនៅភ្នំពេញ ក៏មានភ្លៀងធ្លាក់ខ្លាំង ដែលធ្វើឱ្យតំបន់មួយចំនួនទទួលរងការលិចលង់។ ឯកឧត្ដមបានបន្តថា បើទោះបីឯកឧត្តមនៅប្រទេសបារាំងក៏ពិតមែន ប៉ុន្តែទឹកចិត្តក៏ ដូចជាអារម្មណ៍នៅជាមួយនឹងបងប្អូនប្រជាពលរដ្ឋនៅរាជធានីភ្នំពេញជានិច្ច ពោលគឺ ក្រោយពេលមកដល់រាជធានីភ្នំពេញភ្លាម ឯកឧត្តមអភិបាលរាជធានី បានដឹកនាំមន្ត្រីជំនាញ និងអាជ្ញាធរចុះពិនិត្យមើលស្ថានភាពទឹកលិច នៅក្នុងមូលដ្ឋានខណ្ឌទាំង៤តែម្តង ដើម្បីធ្វើយ៉ាងណា ដោះស្រាយទឹកលិច លំនៅឋានជូនប្រជាពលរដ្ឋឱ្យបាន។ក្នុងឱកាស ចុះទៅពិនិត្យនៅតំបន់ផ្សារត្រពាំងថ្លឹង ក្នុងសង្កាត់ចោមចៅទី១ ខណ្ឌពោធិសែនជ័យ ឯកឧត្ដមអភិបាលរាជធានីភ្នំពេញ បានណែនាំឱ្យអាជ្ញាធរ ក៏ដូចជាមន្ទីរពាក់ព័ន្ធបន្តការងារ បូមទឹកចេញពីលំនៅឋានជូន ប្រជាពលរដ្ឋ។ ឯកឧត្ដមក៏បានចុះមើលស្ថានីយបូមទឹក លូ៥ ក៏ដូចជា ប្រឡាយទឹកនៅ ក្នុងមូលដ្ឋានខណ្ឌចំនួន៤ដូចជា ខណ្ឌពោធិ៍សែនជ័យ, ខណ្ឌសែនសុខ ,ខណ្ឌមានជ័យ និងខណ្ឌដង្កោ សំដៅធ្វើយ៉ាងណា រកគ្រប់មធ្យោ បាយដើម្បីរំដោះទឹកចេញជូនប្រជាពលរដ្ឋ។ឯកឧត្តម ឃួង ស្រេង បានបញ្ជាក់ថា៖ ក្នុងនាមជាអាណាព្យាបាលប្រជាពលរដ្ឋ យើងតែងតែគិតគូរ អំពីសុខទុក្ខរបស់ពួកគាត់។ នាប៉ុន្មានថ្ងៃកន្លងមកនេះ ខណៈឯកឧត្ដមដឹកនាំប្រតិភូទៅបំពេញបេសកម្មនៅប្រទេសបារាំង នៅភ្នំពេញ ក៏មានភ្លៀងធ្លាក់ខ្លាំង ដែលធ្វើឱ្យតំបន់មួយចំនួនទទួលរងការលិចលង់។ឯកឧត្តម ឃួង ស្រេង បានបញ្ជាក់ទៀតថា៖ តំបន់ផ្សារត្រពាំងថ្លឹង តែង តែទទួលរងនូវការលិចរហូតមក ឱ្យតែមានភ្លៀងធ្លាក់ខ្លាំងម្តងៗ នោះគឺដោយសារតែ តំបន់នេះធ្វើការអភិវឌ្ឍមុនគេ ហើយនៅពេលតំបន់ផ្សេង គេអភិវឌ្ឍន៍ក្រោយចាក់ដី ខ្ពស់ជាងធ្វើឱ្យតំបន់នេះ ទទួលរងនូវការលិចដោយជំនន់ទឹកភ្លៀងតែម្តង។ ប៉ុន្តែទោះបី ជាយ៉ាងណាក្តី សំរាប់អាជ្ញាធររាជធានីភ្នំពេញ ក្នុងនាមជាអាណាព្យាបាលរបស់ប្រជាពលរដ្ឋ មិនបានព្រងើយកនោះទេ គឺតែងតែ ដោះស្រាយបញ្ហាទាំងនេះ ជូនបងប្អូន ប្រជាពលរដ្ឋជានិច្ច។ ឯកឧត្ដមបន្តថា៖ ជាដំណោះស្រាយ ដើម្បីឱ្យតំបន់ ត្រពាំងថ្លឹងនេះ បានប្រសើរឡើងវិញ អាជ្ញាធររាជធានីភ្នំពេញនឹងកសាងស្ថានីយ បូមទឹកចំនួនពីរទៀត ដោយស្ថានីយបូមទឹកទី១ គ្រោងស្ថាបនាឡើងនៅត្រពាំងថ្លឹង សង្កាត់ចោមចៅទី១ ខណ្ឌពោធិសែនជ័យ និងមួយកន្លែងទៀតលើប្រឡាយ ភូមិម័រ(បឹងតាម៉ាត) ក្នុងសង្កាត់ដង្កោ ខណ្ឌដង្កោ ជាមួយនិងការស្តារប្រឡាយផងដែរ។ ឯកឧត្តម ឃួង ស្រេង ក៏បានបន្ថែមទៀតថា៖ សម្រាប់រដ្ឋបាលរាជធានីភ្នំពេញ មិនមែនទើបតែគិតគូរពេលនេះទេ គឺបានគិតគូរយូរ ហើយ ជុំវិញការរំដោះ ទឹកចេញពីតំបន់ទាំងនេះ។ ប៉ុន្តែដោយសារស្ថានីយបូមទឹកបឹង ទំពុនមិនទាន់ពង្រីក ដាក់បន្ថែមម៉ូទ័ររួចរាល់។ តែពេលនេះស្ថានីយបូមទឹកបឹងទំពុនអាចទទួល យកទឹករំដោះពីត្រពាំងថ្លឹងនេះបានហើយ ទើបយើងមានគម្រោងកសាងស្ថានី យបូមទឹកពីរខាងលើនេះឡើង ដែលវានឹង អាចបូមទឹក ចេញពីតំបន់នេះបានប្រសើរឡើង។ ឯកឧត្តម ឃួង ស្រេង បានមានប្រសាសន៍ទៀតថា៖ សម្រាប់រដ្ឋបាល រាជធានីភ្នំពេញ ឱ្យតែមានភ្លៀងធ្លាក់ធំៗម្ដង គឺគ្រប់បណ្ដាស្ថានីយ ទាំងអស់នៅរាជធានីភ្នំពេញ តែងធ្វើសកម្មភាពបូមទឹកភ្លាមៗ ជាមួយនឹងការដាក់ម៉ាស៊ីនបូមទឹកបន្ថែមទៀតផងដែរ ដើម្បីរំដោះឱ្យ បាននូវការលិចលំនៅឋានរបស់បងប្អូនប្រជាពលរដ្ឋ។ អាជ្ញាធររាជធានីភ្នំពេញ មិនដែលព្រងើយកន្តើយឡើយ ចំពោះការលំបាករបស់ប្រជាពលរដ្ឋឡើយ៕