កម្ពុជាធ្វើជាម្ចាស់ផ្ទះ ទទួលស្វាគមន៍គណៈប្រតិភូនៃបណ្ដាប្រទេសជាសមាជិកអាស៊ាន លេខាធិការដ្ឋានអាស៊ាន និងដៃគូសន្ទនា ដើម្បីចូលរួមក្រុមការងារដឹកជញ្ជូនគោកអាស៊ាន លើកទី៣៣ ដែលកំពុងប្រព្រឹត្តទៅចាប់ពីថ្ងៃទី៩ - ១៣ ខែកញ្ញា ឆ្នាំ២០២៤ នៅខេត្តសៀមរាប សៀមរាប ៖ ថ្ងៃចន្ទ ទី៩ ខែកញ្ញា ឆ្នាំ២០២៤ ឯកឧត្តម ឈៀង ពេជ្រ អគ្គនាយក នៃអគ្គនាយកដ្ឋាន និងជាប្រធានឧត្តមមន្រ្តីដឹកជញ្ជូនកម្ពុជា បានអញ្ជើញទទួលស្វាគមន៍ និងថ្លែងសុន្ទរកថា ក្នុងកម្មវិធីអាហារពេលល្ងាច ដើម្បីទទួលស្វាគមន៍គណៈប្រតិភូនៃបណ្ដាប្រទេសជាសមាជិកអាស៊ាន លេខាធិការដ្ឋានអាស៊ាន និងដៃគូសន្ទនា ដែលអញ្ជើញចូលរួមក្រុមការងារដឹកជញ្ជូនគោកអាស៊ាន លើកទី៣៣ និងពាក់ព័ន្ធផ្សេងទៀត នៅខេត្តសៀមរាប ចាប់ពីថ្ងៃទី៩ -១៣ ខែកញ្ញា ឆ្នាំ២០២៤ ដោយប្រទេសកម្ពុជាធ្វើជាម្ចាស់ផ្ទះរៀបចំនេះ។ កម្មវិធីនេះមានការចូលរួមពីគណៈប្រតិភូនៃបណ្តាប្រទេសជាសមាជិកអាស៊ាន រួមមានមកពីប្រទេស ប្រ៊ុយណេ កម្ពុជា ឥណ្ឌូនេស៊ី ឡាវ ម៉ាឡេស៊ី មីយ៉ាន់ម៉ា ភីលីពីន សិង្ហបុរី ថៃ វៀតណាម ទីម័រ និងដៃគូសន្ទនា ផងដែរ។ ក្នុងមតិស្វាគមន៍ ឯកឧត្តមប្រធានឧត្តមមន្រ្តីដឹកជញ្ជូនកម្ពុជា បានថ្លែងអំណរគុណដល់គណៈប្រតិភូនៃបណ្ដាប្រទេសជាសមាជិកអាស៊ាន ក្រុមការងារលេខាធិការដ្ឋានអាស៊ាន និងដៃគូសន្ទនាទាំងអស់ ដែលបានអញ្ជើញចូលរួម ដោយធ្វើយ៉ាងណាយកចិត្តទុកដាក់ចំពោះក្រុមការងារដឹកជញ្ជូនគោកអាស៊ាន លើកទី៣៣ និងពាក់ព័ន្ធដ៏មានសារៈសំខាន់នេះ ចាប់តាំងពីថ្ងៃចាប់ផ្តើម នឹងត្រូវបន្តរហូតដល់ចប់កម្មវិធី ដើម្បីភាពជាដៃគូកាន់តែរឹងមាំ និងផ្តល់ការចែករំលែកនូវបទពិសោធន៍របស់ប្រទេសជាសមាជិកអាស៊ាននីមួយៗនៅក្នុងអង្គប្រជុំ ផងដែរ៕